سلامي على اللي شرفوا حفلة الاستاد=فهد راعي الوقفات والمذهب الوافي
تقابلت مع صياف صدفه بلا ميعاد= وأنا بنتهزها وأخذ أخبار صيافي
هلا مرحبا مليون يالطرقي النشاد= ياراع العلوم البيض والمنهج الصافي
تقابلت مع صياف كنك ولد عواد= تبا تقضي المشوار وتروح متعافي
بعد قاعدوك الربع ياريس الأفراد= أخير إلك تال الوقت تسعى وتطافي
ولو مت في شعبان وألا بشهر جماد= ترى يفرح العتبان موتك والأشرافي
الا واخسارة من ركبها بغير إشداد=تحول به الغبه ولا عاد ينشافي
أنا معتبرها هرجه ودله وبراد=ولا اسري ظلام الليل بالمشعل الطافي
ألا واخسارة قل صياف مايزداد= أشوفه يقدمها على أرباع وأنصافي
إذا ثوب اللي لابسه يالسحيمي باد=على البنك ماتصلح ياصياف صرافي
بلش في قرون الثور عنتر ولد شداد= يواذيه قعادي ويوذيه وقافي
بدف العرب من قدم وأدفهم من غاد=وكلٍ يدور قبره البارد الدافي
أشوفك نويت الشر ياطاغية بغداد=ياكافي من اللي يبعث الشر ياكافي
تهرج وسولف ياجوديٍ من الأجواد=وانا يالسحيمي منك ماضاق محرافي
ثلاثين بندق ثوروها بدون أزناد=وأنا جيتهم دكتور مير المرض خافي
تراني بسولف معك لجل الملح والزاد=لعلك يأبن عتقان رجال وسنافي