سلام الله سلامن يحرف الشاعر عن الميراد=واذا جبت البيوت الغامضه يصعب يفسرها
انا من عقب جيت المجلس اللى يجمع الاوفاد=اشوف الجيش في عيني تكاثر واتصاغرها

إبك البقا ياشاعر" نويت اتعاند الأسياد=اللًي ليا جات المواقف ثارت ذخايرها
ترى التكبًر له ظواهر سيئة وأنقاد=يمكن إنًه يقلب فايز اللعبه لخاسرها

الا ليتك تريح ياالسميرى قدم لاتنصاد=قبل نعميلك اعيونك وتفقد حلو ناظرها
تجيب البيت مع قافه معفج ثم تقول اجداد=تحسب هاجسك مزنه يسر العين ماطرها

هلا يامرحبا بك رحب وافي والسيوف حداد= على قول المثل جيتك وجا للقوم شاعرها
على هونك توقع لاتفقع مانت ابن عياد= ترى قدمك سريه مانت قادر في عساكرها