يا مل قلب يسج وفيه دولاجه=من هاجس بالضماير قام يدرجها
في معزل عن جميع الخلق وازعاجه=ما اسمع من الناس لو تكثر لجالجها
مغير أهوجس تقول مضيع حاجه=وآخذ وأسند على روحي وأهرجها
وأدوج لو كان ما رجلي بدواجه=ادله النفس لين الله يفرجها
يالله يا اللي بيدك الضيق وافراجه=يا خالق الخلق يا قاضي حوايجها
أفرج لعين إليا غضت بسوهاجه=تجهز عليها الطواري لين تزعجها
بالصدر ضيقة ونوم العين هملاجه=عيناً من العام والسهر أمتولجها
نوب سهرها شديد ونوب نهاجه=مر تكن الدموع ومر تزعجها
عليك يا اللي بقلبي كن وهاجه=وهاج نار هوى الغربي يسارجها
راعي ثمان تشاد اللول لعاجه=كن البرد يوم يضحك في مفالجها
يا روح روحي وجرح القلب واعلاجه=الطف بحال عليك الهم ساهجها
قلب يناجيك بسلوب الهوى ناجه=يشكي لك الحال داخلها وخارجها
أما التف لي وتم الوصل بمواجه=وألا بلا عشرة هذي نتايجها
وش ينفعك من حنين القلب وخلاجه=وجروح أسبابها أنت ولا تعالجها

..

لـ تحميل

مقطع الفيديو بصيغة الجوال .. (( من هنــا ))

المقطـــع الصوتـــي .. (( من هنــا ))



..

إلى اللقــاء