ابن مرضي يبيله شي لكن مالقاله ناس=يراقب من بعيد وجيت متكلف علي شانه
علي قول الثبيتي مايدور طابخين الفاس=عيونه للذهب وان ماحصل يصك دكانه

إبن مرضي على قطع الخرايم مايجيه نعاس=يعرف العلم ياصاهود مايختل ميزانه
ضويت لداركم طرقي وأسوق الذود عساس=ومثلك يعرف الشاره وغيرك قلت له عانه

انا ادري فيك متّمكن وراسك مايطوله راس=لكن السوق يبغا الصرف والادراج مليانه
تفضل ياقوي الباس واسبح مع قوي الباس=بحرنا يسرق الانظار لولوّه ومرجانه

ليا منك نزلت البحر لازم تعرف المقياس=وبعض العّد راع الذود ماتمليه حيضانه
على وضح النقا بيني وبينك لامعة الكأس=لوأن الملعب المزحوم ضاقت كل بيبانه

امور البحر معروفه ولا يجّهل بها الغطاس=وعدن مايبل الكبد ماتسّنيه قعدانه
تبا تاخذ وناخذ قسمنا فالطيب والنوماس=ولا نسمع ولانتبع علومن مالها خانه