أجروح قلبي والزمن هم وأحزان =سكة قديمة والمواجع قديمة
وأدموع هلت من ذورايف هتان=هلت وهلت بس من غير غيمة
يبكي لها قلبي ورمشي والأشجان=الجادل اللي أسمها بأسم ريمة
من بعدها قلبي تعطش وضميان =وأهموم قلبي فالحنايا مقيمة
كفي يشيل الهم مطعون وجدان =والكف الآخر شايل الحب ضيمة
النار في جوفي مثل لهب بركان=راحت ضلوعي من لهبها هشيمة
لا والله الا ضاع حبي وأنا أنسان=وقتي غدا يا ناس من غير قيمة
من يوم فرقا الزين والحال تعبان =استيتمت روحي وصارت يتيمة
جار الزمن وامسيت اغني بالألحان=من جور بلوى حب بلوى عظيمة
واصبحت اسج الدرب من دون عنوان=ابحث عن المجهول واطرد نسيمة