ياعقاب الوايلي ماتفيد وتستفيد = كان ماطيّرتها للسما وانجومها
منته امحّتاج اعلمك فالماضي واعيد=الكبار ال قومها والصغار ال قومها

يالمطيري صاحبي كان لك مغزا بعيد = خل عقبان السما ترتزق في حومها
انت اظنك لاحقك عصف فاليوم الشديد = مير ياصاهود ستر العرب بهدومها

اطلع اطلع للسما لاتجيك ام العبيد=انت شيخ وكل قومن تعرف اسلومها
ماعليك اخلاف صياد وتصيد العنيد=لكن ام حسين عيت تطول اكمومها

انت ودك نشترك فالجريش وفالعصيد = ودك ان الناس يمي تسن اسهومها
بكره نسوق البشاير على اللبس الجديد = بعد حكاّم الديّر ينكتب مرسومها

سيفهم كله خشب وانت سيفك من حديد=وش يهمك لوتجيك اتربا ببقومها
مغتني والبنك يشهد علي كبر الرصيد=الصغار اطوفها والكبار اسومها

يالمطيري ماحد ٍ للمشاكل مستفيد = كان عافتنا الديّر مارقبنا ارجومها
والنعم لكن ماشفت لك طلع ٍ نضيد = مدري نلومك او ان الظروف نلومها

ماطلبتك تترك الحق ياعقاب وتحيد =لكن اهل المنطقه طولت في نومها
لاتغرك زينة الراس فالتاج الفريد=الحويه كلنا عارفين اعلومها