سلام مني شهر دنيـا سنـة ديـن = ياليت عبـدالله الشاعـر يراعـي
ياطور سينـا ويالزيتـون والتيـن = موسى سرح مع بنات شعيب راعي

يامرحبا وانت وين وماتبا ويـن = الناس ركبت على النقل الجماعي
الظبي ابو قرن عارضني بقرنين = متوجهـاً للذيابـه والسبـاعـي

في مسجد العيد ياكثر المصلين = روس المصلين ياروس الافاعي
ماتنتسمى عمى وانته معك عين = لكن موج البحر غطى السواعي

ماباقي الا تقول الهم على يمين = تراك مانته وزير امرك مطاعي
الوقت طوّل يدين وقصّر ايدين = لاشمس طلعت ولابه زبد ماعي

جبت الاشده وضيعت البعاريـن = وترقّص الجوع فبطون الجياعـي
اجبال الأقصين وشعيب المواليـن = يمطر عليها المطر من غير داعي

مانيب رب اليتامى والمساكيـن = يبكون وهمه من النعمه شباعـي
قالوا لي انك نهار نحارب حسين = متجوداً في ذنب عنزاً رباعـي

لاتحرق الطين ابوك آدم من الطين = والفرق بين الشريعه والشراعـي
صاحين يهل الهدى والا مجانيـن = ياللي تذيعـون علمـاً مايذاعـي

تمتعوا بالحياه وصروا العين = يابدو يهل الزبادي والمراعي
لكن ابا اشد واشيل المواعين = واللي يبا يطيح ماعده متاعي

عيال تسعه ماهم بعيال تسعين = القلب ميت ورمش العين واعي

المشاركة الأصلية كتبت بواسطة أحمد المويعزي (المشاركة 943755) لاهنت ياسالم رباح