شعر عبدالعزيز بن مسفر القعيب من السياحين
 

الله اكبر صدق وش هذا الجمال
صار معهم حق سموك الجميل
في عيونك بحر وخدودك خيال
والجبين الشمس مع ظلٍ ظليل
في كلامك سحر بس انه حلال
كل حرف تنطقه يشفي عليل
كل شيء فيك معبوق بدلال
من يشوفك ما يدور لك بديل
ان وصفتك قلت باوصاف الغزال
لاهيٍ يلعب على روض المسيل
قدك الممشوق ماشي بأعتدال
كل ما هب الهوى يمه يميل
كاملٍ زينك ولله الكمال
ما خلق مثلك بها الدنيا مثيل


عبد العزيز بن مسفر بن صقر القعيب من رجالات قبيلة السياحين