سلام تسليم وافي يوفي الكيل=لعتيبه اهل الوفا واهل الحميه
نادولي الشاعر اللي يتعب الخيل=عشان انا بنكبه نكبه قويه

يامرحبا بالنيابه عن هل السيل=بالوافي الي يبا يفتح قضيه
طيرن ابابيل لك ياراعي الفيل=والناس قالت ترى النيه مطيه

دام البقى ياعساك اتحط وتشيل=وياجعل ربك يصبركم عليه
اسبيع قامت تراسل بالمراسيل=ويحرم عليه لامشيها سويه

الكحل فالمكحله وبرفع الميل=واباكحل اهداب عين النرجسيه
اناالهرم والعطاوي كنه النيل=مايدري ان الحنش جدته حيه

خابرك ضاري على المكياج وحليل=لكن خذها من صحيبك هديه
منته بقد لنا يبارد الحيل=اسبيع ياكيف تنطح ذي عطيه

ابفعل يمناي جيت امع الرياجيل=وانته مظهرك فعل الاجوديه
الفرق يالقرم بين الراس والذيل=ياصانع المجد خل العنجهيه

رماح تشهد ليا من جيت فالليل=معروف يصاحبي ماهي خفيه
الفرق واضح ولايحتاج تعتديل=محشور والله في قبضه يديه

لناالشرف والفخر والعز ياخبيل=يوم النسب مع وزير الداخليه
معروف مجلاسن يابوالفناجيل=مابين حكام في نجد العذيه