أبدا بذكر الله على كل ماصار = الواحد المعبود رب المقادير
اليا نويت الشعر ماني بمحتار= أدعي بيوته ثم تجيني مسايير
أسير المعنى على كيف مختار= وأبينه بوضوح من دون تقصير
قم يانديبي لاتكاسل وتنهار= ود الخبر ياصاحبي دون تأخير
أركب على اللي لاشلعته مع القار= ماتوحي الحنه على مقدم القير
جيبٍ جديد الصنع من نوع فكسار= مايشتريه اللي يحسب المخاسير
من مصنعه جابوه طبلونه أصفار= وأنته عليه تصخر البعد تصخير
حطوا على التمثال من عندي أشعار= مايشتريه ألا الرجال المناعير
المقصد أنك سيره بعد الأفطار= أبغى الخبر ياصل بدون أي تأخير
بلغ سلامي ربعي أكبار وأصغار= أهل الكرم وأهل الوجيه المسافير
ربعي بني خراص لاشبت النار = يرعونها وسط الخطر فالنواوير
سقمٍ لعاديهم وريفٍ على الجار= وعونٍ لمن صكت عليه الطوابير
ثم خصلي رجلٍ على الطيب مغوار= أبوعمر نسل الرجال المشاهير
بالمرجله ماجا على صيته أغبار= كريم سبلا بالليال المعاسير
يابو العقايب صارلي شي ماصار= أونس بقلبي مثل دق المسامير
تقول وسط القلب صفارة أنذار= اليا طرت تسري علي التفاكير
قلبي من الفرقى يصلا على نار= وهو السبب ياخوك من دون تفسير
اما لقيت الحل يانسل الأحرار= وألا ترى جساس صيطر على الزير