سلام من شاعرٍ دايم ومده جزيل=ما يلتفت غير فالمريخ والا الجدي
والله ما صاحبكِ ياروضه وراسي طويل=حتى ولو سلموا مليونها في يدي

يامرحبا ياهلا شاعر ولالك مثيل=حولت من كوكب الزهرا وجيت تعدي
تقول واقول انا شفتك تخض الصميل=لين انفرا من وخيتها ياكل جهدي

دام البقا يالعصيمي وانت منت بهزيل=اعدك بمنزل الزهرا ولنت بردي
والله ماني عصيمي للخضاضه عميل=الناس تعرف هل الصملان يالاجودي

بدون شد ورسن ودك تعلا شعيل=حداك وقتك علانا لين جيت تحدي
ماقلت عنك ولد عمي وعقلك دليل=لكن ابنشد عن اصلك بندر المرشدي