الشعر فتل ونقض بيت(ن) على بيت =لاقام صفين والرحلة مدية
سبحت انا فالبحور السبع مازريت = ياكم سبحنا بها صبح وعشية

الشعر فتل ونقض ياللي تعنيت = كم شاعر(ن) لابدع يحرج خويه
سبحت فبحورها وقبلت وقفيت = ومشي مع أهل الوفاء رجلي جرية

انته علامك يارجل ماتدريت= الظاهر انك فاقد المعنويه
الرعب يأتي بالعجب وانت ذليت= من طير شيهان(ن) يطش الشويه

المشاركة الأصلية كتبت بواسطة الثعبان (المشاركة 941061) انته علامك يارجل ماتدريت= الظاهر انك فاقد المعنويه الرعب يأتي بالعجب وانت ذليت= من طير شيهان(ن) يطش الشويه

لا والله أني في طريقي ما زليت = لكن وين التمر و الشاذليه
الذيب في أعلى الرجم يا راعي الصيت = يرقب هل الميقاف و النار حيه

على الرحب لن رحت ياهيه وان جيت= ابشر الك بثنوة عصيب رضيه
الحي يحيي والغبن يرثه ميت= هات الخبر والذيب جا ذيب زيه

المشاركة الأصلية كتبت بواسطة الثعبان (المشاركة 941077) على الرحب لن رحت ياهيه وان جيت= ابشر الك بثنوة عصيب رضيه الحي يحيي والغبن يرثه ميت= هات الخبر والذيب جا ذيب زيه

شاعر مع أهل الشعر أنا خذت و أعطيت = ما ألد عيني للعلوم الردية
أنا بنيت البيت لا تهدم البيت = نبغا نعرف اسمك و اعرف الهويه

مااقول فيك قصور والنعم ياالشيت= جاك الشحم ماجاك نقص وخطيه
امشي بعلم الطيب ما والله اخطيت=وانا عتيبي من رجال الحميه