اليكم بعد السلام عليكم هذه ابيات مع ردها لها مايقارب العامين حصلتها في الارشيف وهي بيني وبين الشاعر نادر بن دريميح السليس وانا البادي لعلها تنال شي من اعجابكم

ماعاد فالدعوى يانادر اعلومي=لابد مايوخذ احساب المصافيط
ولال التشره حسب ظني لزومي=هذاه رايي وانت ابكلش محيط
ماصار ماهبط بتوع العزومي =لوهو زمان معفط القيل تعفيط
النحت يبقى والرسم مايدومي=واهل المعرفه ماتمشي الخرابيط
لوشجعوها مفختين الايمومي=وعلى الوكور تحط حتى الشبابيط
والك التحيه ياحفيد القرومي=واحكم على كل العلوم المرابيط

يامرحبا عداد وبل الغيومي=واقلط على حمر الزلول المباسيط
مع كيف بن وفالصياني شحومي= في مجلسٍ فيه النشاما مقاليط
في راس عيطا عن لهيب السمومي=ومبداك في روس الطوال النعاطيط
هذا وانا وقت الزومي بلزومي=اسرج ظهورالخيل واضمر العيط
واجلس لهن تسعين مره واقومي=الشرد الي يتعبن الواقيط
فهيد فزع كل قبا قحومي=ويقطف زهر وايغوص في غبة محيط
تنشر علاه البيض في كل يومي=والسود تنشر فوق روس الجحاليط
والي على المشراف دجاج رومي=لوزينو ريشه بكثر السلافيط
وبيت الردا لوزخرفه مهدومي=ولاخير في هاك الوجيه الزعاميط
وشرواك ياذخر الاحرار محشومي=لاشافته برق الحباري مخابيط

المشاركة الأصلية كتبت بواسطة أخو جوزا (المشاركة 979123) صح لسانك يافهيد ولسان نادر السليس

صح بدنك

ياخو جورا

لاهنت على التواجد

تحيتي وتقديري

المشاركة الأصلية كتبت بواسطة الراي السديد (المشاركة 979154) صوت و صدى رائعين مشكووووووووووور

الاروع هو تواجدك

يالراي السديد

اشكرك على التواصل الدائم لاهنت

تحيتي وتقديري