| شمروخ ابن عايد |
06-Nov-2009 07:42 AM |
محاورة بين أساطير المحاورة الأحياء
بالفعل هذين الشاعرين هم بقية الشعر الباقية , الله يحفظهم ويطول في عمرهم .
هذي محاورة جرت قبل مدة وهي معروفة بين الشاعر حبيّب العازمي
وسوار الذهب ( عبدالله الميزاني ) .
حبيّب
سلام تسليم المواجه والمصافـح والسـلام = لأصحابنا اللي فالها التقدير عند أصحابها
اقول عبدالله يجيب الجوهره من شرق شام = واثره يوديهـا البحـر ويكبهـا ماجابهـا
سوار الذهب :
يامرحبا باهل جهام اللي يردون الجهـام = أصحابنا اللي تلحس السكين قبل انصابها
العازمي عيا يفرق فالحـلال وفالحـرام = هذا السنه عنده طلوع الشمس مثل اغيابها
حبيّب :
ولا عليكم زود من بـاب الوفـاء والاحتـرام = ياأصحابنا اللي تشبك الحاها فـروس اشنابهـا
الحاف من ريش القطا وفراش من ريش النعام = وارقد على حيـد الخبـاره لان ينقـز دابهـا
سوار الذهب :
انته خواتمك اربعه وانته على مسك الختام = ومطير عن محراب مسجدها تقول احرابها
انتة ماعاد الا غيابك صبح وحضورك ظلام = والبدو ماعلـم عليهـا الا نبيـح اكلابهـا
حبيّب :
عبدالله اللي يذي المذن ويضحـك بالإمـام = كل المساجد في ديار مطير ماصلـى بهـا
وراك ماعلمتني يومن في صـدرك كـلام = تطلق علي من الكلاب كلاب ويش ابغى بها
سوار الذهب :
مادام اهل يثرب قماري ليش اهل مكة حمام = يقولها فنانك اللي فـي سنـه غنـى بهـا
لا والله الا ساع وصل الطق في صم العظام = واقول ياليت الجمال اتشوف عوج ارقابهـا
حبيّب :
هذي من ابواب الترافه واللطافـه والغـرام = والبقعتيـن الله مطهـر جوهـا واترابهـا
الله يبارك فاللحام اللي نفـك ابـه اللحـام = والناس باسبابه تثور امع الحضور اعصابها
سوار الذهب :
ياللة دخيلك من حدوث الذنب ووقـوع الاثـام = الله ولا قومـاً رمادتهـا سـنـا مشهابـهـا
يالعازمي ويش استفدت من الرصاصه والحزام = ترى عتيبة مايكلـف شـي كشـف احجابهـا
حبيّب :
الظاهر انك ياولد غـازي تحلـم فالمنـام = وتشوف ليلى فالمنام امخضبـه بخضابهـا
تراك لو تكشف حساب مطير مافيها مـلام = وان كان ماتقدر تعال اعطيك كشف احسابها
سوار الذهب :
انا حلمت انك تبا تخلق من الأقصى سلام = واللي تكلم عن محياها متـى حيـا بهـا
ان عشت منته للسعد وان مت منته للرحام = وللي تبا ترضى بها العتبان مانرضى بها
حبيّب :
مانت بنبي الله تكلم وانت في سن الفطام = واليا جمعت الجن عند الانس فل اكتابها
تدعي عليه يوم زايمتك على الدنيا زيام = تبا تقدم لي هدية والاكيـد اولـى بهـا
سوار الذهب :
مافيه شك انك بقايا صوف من راس السنام = بس العوازم من يراضيها ليـا قلنـا بهـا
|
