الزلامي وووو شليويح المطيري <<< قديم
 

رشيد الزلامي مع شليويح المطيري


الـــــــزلامـــــــي
من على هذا المكان اللي يشعشـع نـوره *** أسسه عبـد العزيـز وعمـره سلمانـي
ياسلام الله على أهـل الديـره المعمـوره *** يامعازيبـي وياربـعـي وياصدقـانـي

الـــمـــطـــيــــري
موقعٍ فيه الشـرف والعـدل ياخـذ دوره *** كل ماغلقـت قافـك جـاك قـافٍ ثانـي
مرحبا باللي ليامنـه رسـم لـه صـوره *** صورةٍ فيها الخطر بإسـم الله الرحمانـي

الـــــــزلامـــــــي
إتجه للغرب وأحـوال العـرب مستـوره *** ماقـراه الغامـدي علـم بـه الزهرانـي
لقمة الهندي كبيـره وقطعـت حنجـوره *** لو أترجم قصة الهنـدي قطعـت لسانـي

الـــمـــطـــيــــري
إتجه للغرب وإقر اللـي علـى السبـوره *** ثـم دور للطبيـب مـداوي المرضانـي
وأقضب الخط المقابل ثـم أخذلـك دوره *** والله اللي يفرق المسلم عـن النصرانـي

الـــــــزلامـــــــي
ياخويانا لاتصيـر أفكاركـم محصـوره *** كل عود يصير له شعلـه ولـه دخانـي
أنته الليله عوج وأعـوج مـن الباكـوره *** وأنت رأس غليس وأنت الصاحب القوماني

الـــمـــطـــيــــري
والله إنـا مانعصيـك العصـا المكسـوره *** والمفتـح مايعيـش بـديـرة العميـانـي
يالزلامـي لاتجيـب العملـه المقـبـوره *** عوجتـي مانتـه معدلـهـا ولاتبـلانـي

الـــــــزلامـــــــي
أنت ساكن في محـلٍ ماتطيـر طيـوره *** شد عـن هـذا ودور لـك محـلٍ ثانـي
لو خليت الجمـل يبـرك عليـك بـزوره *** كـان بـن شـلاح يذكرنـي ولاينسانـي

الـــمـــطـــيــــري
قاعدٍ لي فـي مكـانٍ ماتشيـن زهـوره *** وأنت خلصت العشاء وأقرعت بالقدحانـي
لو لحقت الوقت الأول ماعرفت عصـوره *** جدك اللي باعها بالعـرف مـع جدانـي

لاهنت على النقل محاوره رائعه

ياسلام ياسلام

هنا يقول الشعر هؤلاء أساطيري , تمتعوا بشعرهم .

أسمين علمين وأعتبرهم رموز شعر المحاورة ولاينازعهم منازع , وأنا من الناس الذين يحبون الشعر ويتذوقونه ولايقدسون الأموات لأجل موتهم ويضعونهم في درجة أعلى من أي حي .

شكرا لكم على مروركم المميز
وهدفنا هو إرضاء الجميع وتقبلوا تحياتي

نقل رائع لا هنت يافهد

عزيزي فارس / حياك الله <<<<<<<<<<الوالد بصحه جيده ولله الحمد
بالنسبه للإعتزال لم يتطرق إليه وكلها تأويلات لا صحة لها

الباسل شكرا لك وتستاهلون أكثر