أحلى الليالي ليلة(ن) شفت الأحباب = عندي تبا تعدل ثلاثين ليلة
ليل(ن) جمع صدقان جيران و أصحاب = ليلة فرح كل(ن) يهني زميله
يدور فيها العود من كل الأطياب = و تسمع لحون الشعر سامر و شيله
و فيها القمر بادي على الناس ما غاب = ساعاتها تمر بأسرع وسيلة
ليلة فرح فيها الفرح للعرب طاب = كل(ن) على المنهاج يعرف دليله
فرحة زواج(ن) تجمع أقراب وا نساب = فرحة نجاح و كل رجل(ن) و جيله
فرحة تخرج تنكتب سطر و كتاب = و فيها غصون الورد عدله و ميله
كل(ن) يروم المجد للعز كساب = يسير في دربه و يرقا الطويلة
الله يديم إلنا الفرح رب الأرباب = و يجعل ليال الجزن دايم قليلة
و أحلى الليالي ليلة(ن) تجمع أحباب = عندي تبا تعدل ثلاثين ليلة