الهيـــــــــــــلا *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   المحاورات المنقولة الكتابية والأراء النقدية (http://www.otaibah.net/m/forumdisplay.php?f=66)
-   -   علي العضياني و عواض الشهيب !!!! (http://www.otaibah.net/m/showthread.php?t=100163)

علي فلاح العضياني 04-Nov-2009 06:05 PM
علي العضياني و عواض الشهيب !!!!
 
السلام عليكم

هذه محاوره من محاوراتي مع الشاعر عواض الشهيب في حفل زواج الشاعر ضاوي بن عايض العصيمي حبّيت انقلها لكم .....




علي العضياني


من أعماق الضمير اللي يكنّ العزّ و التقدير=سلام و سلّم الله راس من جينا على شانه
أكيد الشاعر اللي ما يخون لسانه التعبير=ليا غنّا يقولون العرب صحّ الله لسانه



عواض الشهيب

هلا يا مرحبا ترحيب خير و من وراه الخير=أقوله باسم ضاوي و انت ضيف و ضمن ضيفانه
نباها يا علي نقض و فتل و اللي يصير يصير=و بيت العزّ ما احدٍ يعمره من دون سيسانه




علي العضياني

يقولون الرجال لكل سلعه فالبلد تسعير= و لكنّ الذهب ما جاب سعره غير ميزانه
لَلاََ الجنحان و الله يا الثبيتي ما يطير الطير= و لا يقدر يوصّله الخضيرا غير جنحانه



عواض الشهيب

يقولون الدلو فالبير ما شفنا الدلو فالبير= ليا صار الدلو فالبير كيف الناس ضميانه ؟
و الاَ يا متعب التفكير ليش إتّعّب التفكير =تلفّت فالثبيتي و الثبيتي يعرف اخوانه



علي العضياني

من أهوال الزمن هذا ترى عقل الفهيم يحير=يبين لك الكتاب إليا قريت حروف عنوانه
على شان الاداره صبح بكره ترفع التقرير=نثبّت علمنا لين الرجال تشوف برهانه



عواض الشهيب


وش أطيب بايعين المسك و لاّ نافخين الكير=والاَ يا بايعين المسك أنا مرّيت دكّانه
نبا كل طلي حرّي و نعطيكم سنام بعير= على شان البخيل اللي يدسدس عنكم دهانه


علي العضياني

أنا أبعطيك كلمه يالثبيتي وحّده لا غير =يقولون العرب طيب الفتى من طيب جدّانه
تقوله يالثبيتي مار ربّي مالك التدبير =يزلزل بالجبل و يصدّعه و يثور بركانه




عواض الشهيب


و انا أبعطيك لحنٍ معترف به من لحون الزير=تغني به معي و لاّ تغنّي دان يا دانه
ليا زاد الوجع بالضرس ما ينفع به التخدير= على هونك ترى نصّ العرب بالحيل زعلانه



علي العضياني


لحون الزير ما شفنا لها في صاحبي تاثير= تبا تلعب معي يا صاحبي عان اللحن عانه

ناصر حامد الثبيتي 04-Nov-2009 06:16 PM
الله الله صحت السنتكم ياعلي العضياني وياعواض الثبيتي. مبدعين وجزلين منطق وقول.

سـعـد الـعـصـيـمـي 04-Nov-2009 06:17 PM
طاااروق استمتعنا بمشاهدته على المرقاب

وحظرنا للتمعن اكثر بالابداع



علي العضياني

يقولون الرجال لكل سلعه فالبلـد تسعيـر
و لكنّ الذهب ما جاب سعره غير ميزانـه

عواض الشهيب

يقولون الدلو فالبير ما شفنا الدلو فالبيـر
ليا صار الدلو فالبير كيف الناس ضميانه ؟

لله دركم ..!!
وصح لسانك ولسان عواض الشهيب

حاكم الغنامي 04-Nov-2009 06:42 PM
الله الله


صح لساااانك يابو فلاح

وصح لسان عواض


ابدااااااااااااااااااااااااااااااااااااع

ولد عمهوج 04-Nov-2009 07:01 PM
الله الله صحت السنتكم ياعلي العضياني وياعواض الثبيتي


كل الشكر لك يابو فلاح على ماتبذله من جهود

محاورة رااااااااااائعة من شاعرين كبيرين

كم استمتعنا بالفتل والنقض من الشاعرين

والابداع غير مستغرب من أهله 0

بوركت ياجزل 0

فهد الشهيب الثبيتي 04-Nov-2009 08:10 PM
صح لسانك ياعلي وصح لسان ابو متعب

محاورة استمتعنا بها على قناة المرقاب

لاهنت على نقل هذه الرائعة

شامان العتيبي 04-Nov-2009 09:32 PM


صح لسانك ياعلي وصح لسان عواض


محاورة استمتعنا بها على قناة المرقاب


لاهنت على النقل الرائع

عيد بن مرضي 05-Nov-2009 03:20 AM
صح لسانك ياعلي وصح لسان ابو متعب

لاهنت على نقل هذه الرائعة


فااااااالك التوفيق , , ,

سلطان ابن حامد 05-Nov-2009 08:44 AM
على شان الاداره صبح بكره ترفع التقرير
نثبّت علمنا لين الرجـال تشـوف برهانـه


الله الله

صح لسانك يا علي

تابعت المحاوره على القناه وإعجابي ليس بجديد ..

أبدعت وكسبت إعجاب المتابعين للحفل بما فيهم شعراء محاوره معروفين ..

الله يبيّض وجهك ويوفقك ..

تقديري لك ،،

ابو فايح 05-Nov-2009 07:09 PM
صح لسانك يابو فلاح وصح لسان ابو متعب


قاف رائع للغايه


الساعة الآن »06:25 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd