انا ويا العصيمي كيف ضعنا داخل الطوشه = وابو غليون ركب جمرته في راس غليونه
ورى بعض الاوادم يحسب ان الملعبة هوشه = سواة الموتر اللي سايقه يِلعب دركسونه

ليا صلعت راسك عندنا ندهن لك الشوشه = والا ياربع ابن شلاح قولوا له على هونه
انا ماني براعي بيعةٍ فالسوق مغشوشه = أعرفها واصرفها تجي وتروح مزيونه

بعد حنا كتبنا لك حروف الخط منقوشه = (............................................)
(.............................................)=(...............................................)

تلبّس من ثياب بالعطر والعود مرشوشه = يابن شلاح لاترجع غليص اللي يقولونه
دخلنا في بيوت من خيار الزل مفروشه = وحطينا الامانة في يدين رجال مامونه

عليك الظلة اللي دون عين الشمس منكوشه = وانا خايف عليك من المطر لاهلّت مزونه
لقينا جدة المجنون مجنونه ومربوشه = وانا ماني مفتّش قشها في وسط كرتونه

لقيت الحاجة اللي عند ابن شلاح مخشوشه = ماغير يشيلها ويحطها ويقول ملعونه
لك الله مانخلي لك ياكود عظام معروشة = ولو خلصت روحك يوم ثاني يوم مديونه

حصاة الزلزلة ماتزعل الا خشم نتّوشة = وانا خابرك طيب والحرامي تكحل عيونه
قنصنا للنعامة وإنّها بالملح ممحوشه = من سلاح العيال اللي قطرها مايخونونه

تبات الناس عنك بعيد تصبح منك ملبوشه = واثر كبدك عليهم من قديم الوقت مغبونه
جمال عقيل مرت مع مفيض الريع محيوشه = وراعيها يدوّر للتمر في راس عرجونه

علامك يالرحى خليتها كسره ومجروشه = يبا يدخل ويطلع حبنا صافي على لونه
مفاتيح الكفر في داخل الكمّاش مكموشه = تداير فالكفر يومين وازريتوا تفكونه

دوربك كلها شوك وحصى ماهيب مبروشه = تقول انك هذاك اللي يهد الضلع بقرونه
عيونك ليتها في غرفة الدكتور منقوشه = كما انك ماتشوف الدرب مثل اللي يشوفونه

اقص حجارة الضبان والضبان منخوشه = سواويقٍ ليا شافوا لهم جحرٍ يحفرونه