العير وراشد وبن طمحي وتركي رباعيه
 

رباعية حفلة المدينه المشهوره الذي احياها كل من
صياف الحربي رحمه الله
عبدالله العير رحمه الله
محمد بن طمحي
سفر الدغيلبي
راشد السحيمي
تركي الميزاني
__________ _________ _________

عبدالله العير
الليل يأهل المدينة وإلعبوا معنا_حرام يالربع نسري ماتوادعنا-الشوق لمقابلتكم غصب يدفعنا/واليوم موعد وبكره موعدٍ ثاني

جمّل الله حالكم يأهل المدينه
ثمّنوا وقفاتنا وألا سرينا

تركي الميزاني
ياليل ياليل ياليل الطرب ماحلاك-انا سريتك ويشرح خاطري مسراك-لكن ياوليد طمحي وش بخت دنياك/واليوم موعد وبكره موعدٍ ثاني

ابن طمحي مشكلة بيني وبينه
وإن حصل عنده سوالف مادرينا

راشد السحيمي
الليلة النار من تركي لعبدالله-اكيد هذا الكلام اللي عليه الله-يالله دخيلك من التقصير والزله/واليوم موعد وبكره موعدٍ ثاني

شفت عبدالله يطالع لي بعينه
مير واقف مانجيه ولايجينا

بن طمحي
ياأصحابنا ياأحددانا وش مزعلكم-وأنتم تعرفون ماضيكم من أولكم-وإن كان جت للتحدي قلت لك welcome/واليوم موعد وبكره موعدٍ ثاني
الشراء والبيع من عمله ثمينه
بعد يالمطران بعنا واشترينا

بعدها طلب العير من تركي ان يكون ضد راشد بقوله خلك ضد راشد ياتركي خلك ضد راشد ياتركي

عبدالله العير
أنتم شبابه وحنا ماغويناكم-حياكم الله على ماتبذل ايداكم-هي كلبوها ربع ساعه وأسريكم/ واليوم موعد وبكره موعد ٍ ثاني

العتيبي يوم يزمر ويش دينه
ماتطول ايدين مثله مع يدينا

تركي الميزاني
النار شبت وحنا اللي نصاليها-وانته ياراشد وهالروقي حطب فيها-يلي تجيب السوالف لاتوديها/واليوم موعد وبكره موعدٍ ثاني

السحيمي فالمدينه خابرينه
يالله اهده في طريق الصالحينا

بن طمحي
حنا شبابه هل الطاله من أولنا-ياكم خصيمٍ نحمسه حمست البنا-والعير لان راح يالجمهور لاثنا/واليوم موعد وبكره موعدٍ ثاني
يوم يزمر شال سيفه في يمينه
كب عنك المحيلة يا أبا الحصينا

راشد السحيمي
تراك ماانته محصلنا على كيفك-ماني نصيبك ليا ضاقت محاريفك-ابوك وامك توذوا من مصاريفك/واليوم موعد وبكره موعدٍ ثاني

اسمحوا لي يامطير وياجهينه
ماعلينا لو غلطنا ماعلينا

عبدالله العير
انتم عيال المره لبّاست المعطف-اللي طرحها ورا راس القرى خنذف-مير اعتذرنا وقلنا عود ٍ مخرف/واليوم موعد وبكره موعدٍ ثاني

خمها الشايب وهي ماهيب زينه
ولقحت بثنين وانتم نايمينا

تركي الميزاني
لو إنكم تعرفون الحل والربطي-ماتخبطون البيوت المحكمه خبطي-ابوك وامك تبروا منك من مبطي/واليوم موعد وبكره موعدٍ ثاني

تاتعود فيك نيتك اللعينه
الظليمه من نصيب الظالمينا

بن طمحي
شباب ابونا وخنذف كان يسقطها-وجابت خناذف بعد ماكان يبسطها-بالله بالحبل ياصياف تربطها/واليوم موعد وبكره موعد ٍ ثاني

يوم دق السلف في ذيك المكينه
المكينه صوتها يرطن رطينا

راشد السحيمي
أنا بعلمكم القصة من أولها-تركي يدور على حاجه بيأكلها-ايديه من دمها توه مغسلها/واليوم موعد وبكره موعد ٍ ثاني
تركي الألفين ........ رطينه
مير كنا عن رطينه مادرينا

عبدالله العير
لاتشغلون العرب في غلطة الشايب-اللي لقى له حلالٍ فالخلا سايب-روح لحاله وجانا فوقها راكب/واليوم موعد وبكره موعد ٍ ثاني

روحت حايل ومرتكم بدينه
ياعسى ربي يعين المستحينا

تركي الميزاني
انا بجازيك وآثبتك فالصبه_يلي تدور هاذيك اللي ورا الغبه_من كثر صيد السمك يذن على القبه/واليوم موعد وبكره موعد ٍ ثاني

عادة الخباز مايترك طحينه
زين وجهه يوم مليان ٍ طحينا

بن طمحي
لاتحسب إن الكلام الشين يغضبنا_رحول من عندكم والعود شايبنا_بالله تنهي القضيه يامعزبنا/واليوم موعد وبكره موعد ٍ ثاني

شاكرين العود ابونا شاكرينه
حط فيكم غير فعل المسلمينا

اختيار موفق اخوي قاسي

يعطيك الف عافيه

الله يرحك ي صياف ويرحمك ي عبدالله ويرحم امواتنا واموات المسلمين


لاتعتبر محاوره وانما تهريج

لاتعتبر محاورة لأن تركي الميزاني أحد أطرافها
أما بقية الشعراء ابدعوا