سر ياقلم ننقض للي قبل مبرومه = وابرم على الحجه العميا ومبرمها
سجل وثقل وكز الكتب مختومه = للشله اللي تكلمني واكلمها
هديتن في شليل القطش مردومه = خله على باقي الشله يقسمها
للي يطرش لي الاخبار ملغومه = اجابتي واضحه ماني بدلغمها
روبج بها لقمةٍ دسمه وميدومه =وتدور مثل الرحا في بطن لاقمها
كوية نكب عن كلام الزيف معصومه = وان كان ماتسمع الابيات تطعمها
بينك وبين العضب يالقطش مقسومه = وطقوا على الفرم يقسمها ويسهمها
مادام وصلت بلعومك ببلعومه = ماني بغديك والعضبا نصومها
عطها نصيب الثعل والعظم ابو ثومه = حيث انها تالي الحكره ترمرمها
الناس بالبينه تلزم وملزومه =ومن لا معه بينه دعواها ندهمها
يالقطش وشعاد لو غنيت منظومه = منت بعلى مستوى قومن تخاصمها
لاتعترض للحرار الشقر يالبومه = شقر القرانيس ماتقدر تلاطمها
عروتك من ماكر الاحرار مفصومه = ومربوطتن في جناح غراب لازمها
ناظر لماكرك كيف اعضاه ملمومه = وراجع مصادر عصابتك وتفهمها
تلقى بها عوف عم العبد ابودومه = وتصبح عصابتك مصدرها من ادلمها
بيضتك من شاعر الطرسان مهشومه = حيثٍ ان ربعك بجلد العبد غمغمها
يالسلعه للي بوسط السوق مسيومه = مسروح في جدكم ساقة دراهمها
بينت لك قصة العوفي ودلومه = حتى نبرشمك والعضبا نبلمها
والكلمه للي بلا برهان مطخومه = ومن لاوزن كلمته يصبر بمغرمها
البلبله ماتزيل الغبن واللومه = للي عليكم صدى التاريخ ليمها
زيفت الاخبار والاخبار معلومه = الها شواهد وبينتٍ معالمها
ليا صار مابه دليل برقم مرسومه = وش لك ورى الموبقات للي تجشمها
انته خدعك الابان وهمت لك هومه = وهاجمت لك قوم مامثلك يهاجمها
حنا ليا شبت الهيجا لنا قومه = ماكل من يقاوم الهيجا يقاومها
يدريبنا للي يعرف الحرب وسلومه = للي على هزعت الرايه نداحمها
كم فارسٍ من يمانينا دنى يومه = وكم من جموعن بسوق الحرب نفحمها
وكم من جموعٍ تواعدنا ومدعومه = بجموع الاحلاف مبرمةٍ دعايمها
وليا حصل للاسنه بيننا غومه = بارض الجزيره تضيق بهم خرايمها
قبيلتي زحزحت عن نجد زيزومه = لو كان له لابةٍ في الحرب ماقرمها
عتبان لاقال داعي الحرب ياقرومه = لبو ندا المعركه لو كان ماضخمها
وركبو على سرد خيلٍ بكل صارومه = بسيوفنا شوكة الاحلاف ندقمها
عاداتنا ليا امتلا الميدان بجرومه = خيل قبلانا نعديها محارمها
افعالنا بينه ماهيب مكتومه = قواعد القوم شلعنا مراسمها
وان شان وجه الزمان وكثرت وهومه = ثم بان شح العرب بانت مكارمها
نذكر ليا من كلٍ قل مطعومه = يومٍ بعض القبايل نسيت شيمها
ويامن بنا المستجير ونردع خصومه = الحلقه المبهمه بالضيم نفصمها
وترا العصيمي وطا هيبتك مع قومه = يوم الوهايب وشح الناس بقيمها
قيمة عصابتك ذاك اليوم محطومه = حيث ادبرت واحدرت قدام هازمها
ذلت وتلت من الميدان مكعومه = وانهار ناموسها باحلك مواسمها
يومنها بيننا ماهيب محكومه = منا عصابتك مافكت مخيمها
يوم اقتحمنا حماكم ذل قيومه = اقفت عصابتك وصنيتان يزهمها
مثل حمير الوحش لاضف حثلومه = عقب ثوا بالمعرك كل معظمها
والعطفه للي على ماقيل مزعومه = جبنا الزعيمه وخاب للي تزعمها
صارت سبيه ومسبيه ومهمومه = تحط يدها من الحسره على فمها
ليتك حضرت الهجوم وكضت طقومه =حتى تفرج على حسناء ومبسمها
هزيمةٍ منكره للفرم وفرومه = من جو عرجا على المحدار نرغمها
والقطش وده يعدلها بزلقومه = ولا يدينه ردياتٍ عزايمها
انته كذوب وغشيم وصرت طهطومه = ماتفتهم بارد الحجه ومحكمها
كثرت في ذم قومٍ ليس مذمومه = والكذب مايسلب اهل الفضل مغنمها
ومادام تدري ان جدوى الكذب معدومه = وين انت فازع كما النمله ومحزمها
مدونن ماحصل في الكتب برقومه = ماهيب شلقة كذيباتٍ تتمتمها
انظر ليا صفحة التاريخ وسلومه = وان كان ماتبصر الصفحه تشمشمها
وان كان نفسك من التاريخ ملطومه = سوالف الناس لاتقعد تخمخمها
انته عصابتك بالاحلاف مضمومه = عبيد بن علي واسمها وضمضمها
بين القبايل قبيلتكم كما التومه = عن شقح الابطال قاصرتٍ قوايمها
ابن بصيص عليها يفرض رسومه = ان شاء يقول انهضي وان شاء ينومها
حلف المطيري مبيمكم ببيومه = وفعل السناعيس اذانيكم مشحمها
يوم القدايم وربع القطش مقدومه = واليوم سرد القوافي مايقدمها
ولو تستحي ماتطرق لبو جمومه = للي بعض حرب لبسته عمايمها
ويوم المذله غشتكم من بعض قومه = اسمه بعد مات جاب البل وسلمها
ذبحت تركي وشلفا الكذب مقصومه = عجزت تجزا الرجال ورحت تشتمها
والبدر مايختفي لو تكثر غيومه = وقمة حياة الرجل لا حان موسمها
عند التوالي ثنى شقران لخصومه = بوجيه قومٍ وشيخ القوم ينهمها
عمره بسوق المنايا مرخصن سومه = وذي عادةٍ له وعادة من يممها
وخذنا العوض فيه شيخ القوم وعمومه = وموجات بمراحنا ما احلى ترازمها
وانتم بريين لكن انت عترومه = انهاك عن خايع الغلطه وتلهمها
لاتختلس موقفٍ معروفه نجومه = الناس كلن علاماته محزمها
وان كان كلمتك ملغومه ومسمومه = سمم بها للي منيحتكم مسممها
انته تفك العمل وتروح للحومه = وخليف مافك واخرها وقادمها
قصيرك للي قميصك قطع كمومه = وخدرك بالحبه للي صرت تقضمها
لا تترك الفرض والاثنين مصيومه = الناس عندك قنابلها تصممها
شالو غما الغرف للي قبل مطومه= وقامت طيور الحفر تفرس حمايمها
ولو انت خليتها يالقطش بالنومه = ماني من مرقد الغفله مقومها
لكن بطلت بابك يابومخدومه = للي سبب عوقها من رمح خادمها
ورصاصتي ياقصير الباع ملحومه = برق باصابتك وادهنها بمرهمها
ورح للعضب وانشده عن قصة عثومه = وعن خزوته بالحديثه كيف لملمها
تراه من كل صوبٍ كاثرن لومه = واصابته مزمنه لكن كاضمها
يمناه من فوق حد الكوع مقطومه = ويسراه بين الذنب والوجه مفحمها
العاهه البينه يمناه مثلومه = والعاهه الخافيه ياكبر منجمها
من الخجل ماتشوف الناس غمغومه = واصبح كما الحرمه للي مات محرمها
قله يناظرك وانت انظر بقعصومه = وانت شفت بالمرتبه خازوق دمدمها
قل للعضيبا تشوف الحوض وش قومه = تفحس بساتمك وانت افحس بساتمها
عليك بالمسكنه يالقطش محتومه = مثل العمى والمحرول في توهمها
معنى الرجوله سقط منكم بمفهومه = ماقبح رجالن يضيع اتلى ملازمها
جتك الخبر والسبر بادن بمزمومه = يرصد حركات ديرتكم ويرسمها
طلع بنى علي بالحدقان محجومه = عند الجميلي بمحجامه يحجمها
سحب توابع حمول الخيل ببهومه = وذرعانهم بالشباري العكف قطمها
واقتاد الاوغاد مكتوفه ومبشومه = لين المفوض وضباطه تسلمها
جتك الرساله من الاحداث مفعومه = مدري تدور ورى ولا تصادمها
اما المذله ونار الغيض مكضومه = والمتنفخ من ذروب الربع نسمها
ولا تحزم ودعوى القطش مخزومه = اخر مطافك على الدله تريمها