الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   قصائد الأعضاء (http://www.otaibah.net/m/forumdisplay.php?f=10)
-   -   حمد ال ثاني(عتيبة ونعم اللي عتيبة حمايله) (http://www.otaibah.net/m/showthread.php?t=147484)

محمد الذيابـــي 26-Oct-2014 08:21 PM

حمد ال ثاني(عتيبة ونعم اللي عتيبة حمايله)
 
مساجلة بين شاعرنا وعضو منتدى عتيبة الهيلا غالب الذيابي
وبين سمو الشيخ حمد بن سعود آل ثاني البدع لـ غالب

عفى الله عن عينٍ كراها تحايله=قضى ليلها تاليه أشد من اوايله
فلوا ينشكى عصيانها عن منامها=شكيت ونخيت أهل الخليج وقبايله
ولا ينفع ألا الصارف العارف الذي=يزنها ولو كان الموازين مايله
هذاك الذي مكنون مالاج بالحشى=على حضرته يفصح عن القيل قايله
حمد والمكارم عند شرواه تلتقي=مع ازكى سجاياً تجعل الروس طايله
تميمي ساس وراس معضاد شجرته=عسى شجرة أهل الطيب ماهيب زايله
وعلى جده الثاني زد الفخر والثنا=على قاسم اللي قادماتٍ فعايله
كريم يسر اللي وفد له من النيا=وسبع الخلا يشبع بمركاض أصايله
سليم العقيده والعقيدة سياجها =مثل قاسم اللي من يعدد فضايله
واعدل خطام القاف وأعود للذي=على كل عالي ما تغطى دلايله
حمد يكتفي مني بتلميح إشارتي=وفك القفول المحكمة من سايله
عسى رايه المعهود وسراج حكمته=تهيا لمفجوع الزمان وعمايله
بعد شفت نجم سهيل يشكي مصيبته=عليه وانا ابكي له ومرات احايله
وزاد البلا شفت الثريا دموعها=على خدها ساعة من العيد سايله
هذا اللي دعى البحر الهلالي وشاعره=يفك الخزاين عن مخبا مثايله
وأنا لله المعبود تنقاد حيلتي=وللحر مثلك يجزل القول قايله

غالب الذيابي


وهذا رد
الشيخ حمد بن سعود العبد الرحمن آل ثاني

تغنى هِزار القاف بابها خمايله=واخذ عنصر التشويق يطرح جزايله
بعد ما تأملت القصيدة ونهجها=أغاث المشاعر حسها من مخايله
بدا جرسها يستأسر الليل والهوى=ودعى مركز التفكير عازب فصايله
توقفت محتارٍ بها وين اببتدي=أبي مدخلٍ ينقض معقد فتايله
تعليتها واسبر معالم حدودها=أسير الروى عيني إلى الأفق جايله
إذا أمعنت يا غالب بالأيام معتبر=محالٍ دوام الحال مهما نحايله
كذا معطيات الدهر فيها تقلب=رجا الله باب اللطف تفتح قفايله
إذا ما اعتبرناها دروس ومحاكم=خسرنا الزمان بجهلنا درس فايله
علينا نعد النفس لا اسوأ تحمل=وعلينا نعد الصبر أكمل كمايله
ولولا تغاضينا عن اللي ينوبنا=خذا الدهر منا لبنا من نكايله
إذا ما تنكر صاحب دون حجه=ستلنا الستار ونكتفي في بدايله
ولا نلتفت وان فاتنا أي فايت=على ذا جبلنا والفتى من شمايله
وفي مجمل الإجماع فــ أمة محمد=لها الفضل من بين الأمم عز نايله
ولو تبكي النجمين من سوء وضعها=إلى اليأس ما تخلد وتسكن ظلايله
لها بين حرف الكاف والنون موعد=تضّمن ( بـ الم نشرح ) معاني رسايله
وفي الختم اطلب منك يا أخ خدمه=مجرد شعورٍ بختصر لك ذبايله
تبلغ تحياتي لكل القبيلة=عتيبة ونعم اللي عتيبة حمايله
لها ماقفٍ بالطيب يذكر بذكرها=وتقدم إلى ناخ التردد رحايله
أقوله وأنا عندي على القول شاهد=ماهو رد مدح لمادحٍ في سجايله
وصلوا على من بيّن النور والهدى=شفيع أمته يوم الحشر من هوايله

المحنك 27-Oct-2014 03:34 PM

صحت السنتهم.


ولاهنت .

غالب الذيابي 28-Nov-2014 09:09 PM

:
:
:


محمد .. شكرا لك على الجهد الطيب..

العفاري 14-Dec-2014 09:10 PM

اسعد الله قلبك والاصدقاء اخي غالب الذيابي,
وصح لسانك,,, و
كان بودي لو ان رد الشيخ موجود امامي لا اعرف لماذا ,, ام أنـك أخـي اعتقدت انك اتيت به بعد قولك وهذا رد الشيخ,,
,,حبيت اشارك واسأل عن الرد,,لك محبتي,


الساعة الآن »11:43 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd