يالمورقي عبدالله الطوفان سبـاح البحـور=اسبح بحر واقطف ثمر واطلع على قمة كرا.
بيني وبينك سالفة ومناقشة بعض الامـور=احـدٍ درا بالسالفـه واحـدٍ بنعمـه مـادرا

الليل ياسعود العصيمي زايدٍ فالنور نور=حنا سبحنا البحر باسم الله والله اكبـرا
لكن نبي شورتك وانته لاتلف ولاتدور=ابتع برايك ثم قلي وش تشوف وش ترا

انته مقصر فالعرب وانا ماجاء مني قصور=واكثر عباد الله من اسبابك حياته في زرا.
شوري تلد العين وتقدر معانـاة الصقـور=وتداوي الجرح العميق اللي بشره مابـرا.

الناس تمشي بالمصالح طبعها عبر العصور=واللي مشى قـدام بالاقـدام مايرجـع ورا
ماني وكيل ادم على ذريتـه يالـو تبـور=السوق مهما كان للتجـار بيـع ومشتـرا

اماتكلف بالعرب والواردات مع الصـدور=والاّ عن شداد الذلول انحوّلك مهما جرا.
من يوم جودت الخطام بيدك والدنيا دبور=والمورقة اتلى عهدهم بالسعد مع عنترا.

انا من أول طلّتي كتبت ممنوع المرور=لكن طحت بتركت الاعرج ودين الاعورا
الله بلاني بالعويد الغبر حدبان الظهـور=اليا مليت الدلو حطوله مصيبه ونفـرا

حنا مانطعن في ظهور الناس نطعن فالنحور=ونواجه الرجال وجه لوجه ونـرد البـرا.
الهم عليك حقوق وان موفيتها فوقك تثور=بنادق الشياب ثـم معـاد يـذرك الـذرا.

انا اتمنى للقبيله خير وافـراح وسـرور=لكن اعينوني على الاقشر قبيح المنظـرا
بلشت فيهم وابلشوني والعرب قامت تخور=الضبع قام يحوفني وابا الحصين الازهـرا

انت مقرب للصحن ناس من اصحاب الفجور=اصغرهم اشطن من ثلاثه في منى بأم القرا.
يبا يحاسبك الله ابما تعملـه يـوم النشـور=ان كان خيرآ تترا وان كـان شـرآ تتـرا.

ناديتكـم لكنكـم مثـل الهياكـل فالقبـور=وشلون ابا احي لي جنايز ميته تحت الثـرا
تبغوني ازرع واجتهد وانتم تحصدون الزهور=امـا حياتـي لاجلكـم ولا مقطعـت العـرا

انته لو انك مثل اخوك التوم بالفعل مخبور=لكنك تنادي محد يسمعك والساري سـرا.
نيتك طبعآ طيبه لكن علمك فـي سطـور=يوجز ويحصر من مدير الدايرة ماينشـرا

انا بلاي من الكسور اللي ما تجبرها الجبور=احدٍ مضرى للعسل واحدٍ على الشرهه ضرا
سينا ترى ماحرورها غير في يوم العبـور=علم بها البدوان من قحطـان ولا شمـرا