الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   منتدى ارشيف المحاورات المباشره والمميزه) (http://www.otaibah.net/m/forumdisplay.php?f=96)
-   -   يا صامل لك عازة خذ اجازة وتعال (http://www.otaibah.net/m/showthread.php?t=149825)

مطلق الثبيتي+ 12-Jun-2021 11:13 PM

يا صامل لك عازة خذ اجازة وتعال
 
يا العصيمي تهيض واترك عنك الزوايا
وأنت شاعر وعاقل ما نبا لك خطايا
مير حث الخطا يا صاحبي والمطايا
والمثل قال ما للحملة الا جملها

سلام وأمسيت بالخير
يا بو عيونٍ كحيلة
ليلتك هاذي جميلة
سلام وأمسيت بالخير

لكن ما جا جوابه
ناديت صامل بالأشواق
عبر الأذاعة والأبواق
لكن ما جا جوابه

سلام وأمسيت بالخير=لكن ما جا جوابه

صامل العصيمي 13-Jun-2021 07:04 AM

الثبيتي يغنّي عبر اثير الروادي
ماعجبني غناه ولادخل في فوادي
اقدر أشبّهه بالنار تحت الرمادي
والجمل قال ماللحملة الا جملها

حييت ياراعي البير
دلوي حباله طويله
نبا نصافحك ليله
حييت ياراعي البير

وش له يسوي طلابه
مطلق عميلي ولو ضاق
حبّه تمكّن في الاعماق
وش له يسوي طلابه

حييت ياراعي البير // وش لك تسوي طلابه

مطلق الثبيتي+ 13-Jun-2021 03:31 PM

الثبيتي سوات النار يحرق خصومه
والعصيمي شحيح ولا عطانا علومه
مير شفته في كل ديرة ينفث سمومه
والمثل قال ما للحملة الا جملها


واتعبتنا بالمشاوير
جاتك مراسيل الأجواد
ما بين عارف ونشاد
واتعبتنا بالمشاوير

لأجل الغنا والربابه
مدري يقول الحقيقة
ولاَّ يراوغ رفيقه
لأجل الغنا والربابه
واتعبتنا بالمشاوير=لأجل الغنا والربابة

مطلق الثبيتي+ 13-Jun-2021 09:42 PM

الثبيتي سوات النار يحرق خصومه
والعصيمي شحيح ولا عطانا علومه
مير أشوفه من أمسه قام ينفث سمومه
والمثل قال ما للحملة الا جملها


واتعبتنا بالمشاوير
جاتك مراسيل الأجواد
ما بين عارف ونشاد
واتعبتنا بالمشاوير

لأجل الغنا والربابه
مدري يقول الحقيقة
ولاَّ يراوغ رفيقه
لأجل الغنا والربابه
واتعبتنا بالمشاوير=لأجل الغنا والربابة

صامل العصيمي 14-Jun-2021 10:54 AM

يالثبيتي ترى النيران تاكل بعضها
والجمال المريضه من يداوي مرضها
مالها حل تمرض كل من يعترضها
والمثل قال : ما للحملة الا جملها

وانا عرفت الخوابير
في يدك سيفٍ ومجلاد
وشلون أصافحك ياواد
وانا عرفت الخوابير

يا ابو القلم والكتابه
ما احسبك قطّاع الارزاق
وتجوب في كل الاسواق
يا ابو القلم والكتابه

وانا عرفت الخوابير // يا ابو القلم والكتابه

مطلق الثبيتي+ 15-Jun-2021 02:49 AM

إليا مرض جملكم نكويه ميت كية
وان كان العير مغلوث ما نطالب بدية
وان زعلتوا ضحكنا من شرور البلية
والمثل قال ما للحملة الا جملها

يا اللي تبا تعكس السير
إلكم بسطت البساطي
من مكة لين الرباطي
يا اللي تبا تعكس السير

خذ لك بطاقة نقابة
يا أبو مناصب كبيرة
اسمع نصيحة خطيرة
خذ لك بطاقة نقابة
يا اللي تبا تعكس السير=خذ لك بطاقة نقابة

صامل العصيمي 17-Jun-2021 06:14 AM

وسمنا يالثبيتي فالجمل وسم حيه
دونه رماحنا وسيوفنا الصيرميه
يوم بعض القبايل ياسمون الحويه
والمثل قال : ما للحملة الا جملها

ياللي تبى الحرب والزير
انا خذيت احتياطي
والامر ماهو اعتباطي
ياللي تبى الحرب والزير

مادامني من عتابه
باجوب في كل ديره
ويبين صقر الحزيره
مادامني من عتابه

ياللي تبى الحرب والزير // انا ربوعي عتابه

مطلق الثبيتي+ 19-Jun-2021 04:01 PM

والنعم يا العصيمي فالسيوف الصوارم
والنعم فالرجال اللي سوات الضراغم
لا تسب اليماني يزعلون الحضارم
والمثل قال ما للحملة الا جملها

يا حاسب حساب للغير
من كثرة الخوف تحتاط
وأشم لك ريحة اشياط
يا حاسب حساب للغير

الغاب نقتل كلابه
أنا معي درع وسلاح
والقلب جاهز ومرتاح
والغاب نقتل كلابه
يا حاسب حساب للغير=الغاب نقتل كلابه

صامل العصيمي 21-Jun-2021 09:39 AM

السيوف الصوارم خصّ لآلاد عاصم
لابةٍ تفلج الحجه .. نهار المخاصم
وانت مثل البعير اللي برك للقواصم
والمثل قال : ما للحملة الا جملها

ياللي تخطّ التقارير
الخوف نص الشجاعه
ياللي دخل فيك راعه
ياللي تخطّ التقارير

جنّب طريق الذيابه
لاصاح فالحرب صياح
انشربك سمّ(ن) ذحاح
جنّب طريق الذيابه

ياللي تخطّ التقارير // جنّب طريق الذيابه

مطلق الثبيتي+ 25-Jun-2021 03:20 PM

حنا نفلج حججكم يا عميلي تونّا
والتفاخر بالأفعال ماهو حِنّا وحنا
اصبر اصبر شويا واخضبكم بحنا
والمثل قال ما للحملة إلا جملها

ما نرحم إلا القوارير
إن شبت النار فالكوم
انحط قوم ن على قوم
ما نرحم إلا القوارير

والشر مقفول بابه
من يطبخ السم يُسقاه
واللي يبا الخير يلقاه
والشر مقفول بابه
ما نرحم إلا القوارير=والشر مقفول بابه
شكرا على حسن تفاعلك


الساعة الآن »11:28 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd