سيدي سلمان ونصر متحقق
 

طير ياطيار غرب ثم شرق =
وانت ياطيار فاهم بالدروبي
لاوصلت ارض اليمن دربل وحلق =
وضرب الاهداف فالقطرالجنوبي
سيدي سلمان ونصر متحقق =
كل طاغي نرجمه حتي يتوبي
ياملكنا صاحب الراي الموفق =
عاصفة الحزم للجنة هبوبي
ياوزير ادفاعنا جيشك موثق=
مايزعزعه فالمنافق والكذوبي
لادعاني واجبي لا ماتدرق =
البس البدلة كما لبسي لثوبي
علم الحوثي وابو وجهن محرق =
الدول متحالفة من كل صوبي
خبروه ان اليمن كله مطوق =
وكان فكر بالهرب ماله هروبي
وهقوه ايران لين انه توهق =
ثم خلوها على راسه شبوبي
انت ياشعب اليمن حذرى تفرق=
التكاتف بينكم امرن وجوبي
اصبروا شمس النصر لابد تشرق=
والامل يبنى معها بني طوبي
وياصلاتي عد ماترعد وتبرق =
للنبي اللي الامة محبوبي

صقر جعيد صح الله لسانك ويستاهل الوطن

صح لسانك يا صقر جعيد
الله يعطيك العافيه