حبيب العازمي ..... ابن مشيط .... ناريه
 

حــبــيــب الــعــازمـــي

ياجاهل فـي عتيبـه يستـر الله عـلاك *** عتيبه ابناء سعد وايظـا خـوال النبـي

وانا مالومك مادام انـك هـذا مستـواك *** لوقلتلـك ويـن ربـك قلـت فابوظبـي



مـحـمــد ابــــن مـشـيــط

ماني بجاهل وعلمي ياولـد روق جـاك *** لوكنت خال النبي يالعازمي فـي شنبـي

الأرض ماهيب لك والعرش ماهو سماك *** ولا يجهل الله تعالى غيـر مثلـك غبـي

حــبــيــب الــعــازمـــي

هذا حديـثٍ موثـق وأعتقـد ماخفـاك *** واللي يعارض حديث الصالحيـن يهبـي

ليتك مادام السعـه عنـا تدربـى وراك *** وانته لوانك ذكي يمديـك جيـت تحبـي

مـحـمــد ابــــن مـشـيــط

يالعازمي هد نفسك وأعتذرك من خطـاك *** دامك توضح حديث من النبـي وشتبـي

ماجزت عن طبعك الماضي يامال الهلاك *** تبغي تسلطن ولا يدخـل معـاك أجنبـي


حــبــيــب الــعــازمـــي


أرجع على الحق وأسلم كان ربي هـداك *** وان كان ما أسلمت قدني واصلك يا صبي

انته ليا جيت في نجران جـاك اشتـراك *** ما أدري من المكرمي ولا مـن الأكلبـي


مـحـمــد ابــــن مـشـيــط

ابلشتنا مع عتيبه وانت مغشـوش مـاك *** غير العصا ياذلول ابليـس ولا اشربـي

ان رحت وان جيت علمي يا حبيب دهاك *** امعرب منسبـي مانـي بـورع صلبـي

حــبــيــب الــعــازمـــي


لا بالله انته مصفى ميـر بلعـن ثـواك *** بلاش ترفع يدك وانتـه تحـت منكبـي

ياشين شكل الكبير اللي عليـه ارتبـاك *** انا اعرف منسبك وانت تعـرف منسبـي

مـحـمــد ابــــن مـشـيــط


ان كانها بالحكي ما حدن تمشـى معـاك *** وان كانها بالفعل منزلك تحـت اركبـي

قدلك تهرب عن ابن مشيط والله رمـاك *** ولا عندنا ياحبيب غيـر صتـم حلبـي

حــبــيــب الــعــازمـــي

ياقدر ليتك مغطى مـا كشفنـا غطـاك *** ركبـك ياجعلهـا بالـداب والعقـربـي

تحدنا بالخطا يـا ليـن نبحـث خفـاك *** واللحيه اللي نقـص تقديرهـا تتربـي


مـحـمــد ابــــن مـشـيــط


ياحارس القول كورتك اسقطت من يـداك *** سددت صوبك قذيفـه والهـدف لولبـي

انت المعزب وانا ضيفٍ تعشـا عشـاك *** وأثرك في صدرك الواسع حكي مختبـي



حــبــيــب الــعــازمـــي


أعطيتك المصحف الطاهر ومسـواك راك *** وأثـرك لامسلـمٍ مخلـص ولاغيهبـي

بلاك ضيفٍ ما صنت معزبـك مـن رداك *** تقـف مابيـن الوجيـه الغـر وتكذبـي



مـحـمــد ابــــن مـشـيــط


رجعتلك مصحفك وأهديت معه السـواك *** مطلبك هذا يابوفيصـل ماهـو مطلبـي

الطيب طبعي مادام أن الردى من وفـاك *** لو يختلف مذهبك مـا يختلـف مذهبـي

سفير شيبان محاوره روعه وبين شعار اقوياء ولاكن المري ما هو بسهل والله شاااااااااااااعر ولا هنت اخوووووووووووي على الموضوع الرائع وتقبل مروري ....................
.
.
.
.
.
.
.
.
.
.
.
.
.

والله ماقصرت يا بو فيصل باليامي ((عتيبه بني سعد وايضاء خوال النبي

والله ماقصرت يا بو فيصل باليامي ((عتيبه بني سعد وايضاء خوال النبي

يعطيك العافيه
على المحاوره ناريه


دمت بخير

بن مشيط



حــبــيــب الــعــازمـــي

عبقري يا ابو فيصل (( اركبك ))

والله ما مع الماء مواات

طيب اخوي اذا كان على تفسيرك ابن مشيط قال ( اركبي ) ماقال اركب

يعني اذا كان يخاطب فهو يخاطب مؤنث ولا اعتقد انها تعدي على الشبح

حبيب وفي هذين البيتين اعتقد مافيه مجال لتفسير اخر غير الظاهر لها



وجهة نظر اتمنى انك تقبلها ...


والف شكر لصاحب الموضوع

فزاع الاسعدي


حبيب اللي يقول اركبك يا جعلها بالداب والعقربي
والكلام في بيت حبيب

سفير شيبان لااااااااااهنت على النقل الوافي كما انت

والحقيقة هي من أقوى المحاورات التي رأيتها وقد كشّر ابن مشيط عن انيابه واستحق احترام جميييييييع شعراااااااء الساحة

ولك تحياتي