اقتراح((الحاضر امتداد للماضي))؟؟؟
 

هلا بجميع اخواني ابناء عتيبه وضيوف المنتدى الرائع عتيبه الهيلا

بعد السلام والتحيه اقول :

انا اشكر جميع الاخوة الاعضاء والمراقبين على هذا القسم من اتحافهم لنا بصور ومشاركات رائعه يعجز اللسان عن وصفها .

صور تبكي من يراها من الرعيل الاول عندما يتذكر اصحاب هذه الوجوه والمواقف التي دارت بينهم ويترحم عليهم ويذكرهم بالخير ويعرف عليهم الابناء والاحفاد لكي يعرفوا انسابهم وشيوخهم وامراؤهم.

هذه المواضيع جميعا شدتني الى فكرة اتمنى منكم دراستها وانا لا اريد ان انسبها لنفسي ولكن لتكن هذه الفكرة باسم المنتدى وتصبح فكرة المنتدى او مبادرة المنتدى (( هههههههه مبادرة ابو متعب)) الله يحفظه لنا ان شاء الله.

اللي بغيت اقول ان ليش مانسوي لنا رابطه اعلاميه وهالرابطه هذي تشمل محررين ومحاورين ومصورين ومعدي تقارير .

ومهامهم ان يتجولوا في اوقات مناسبه لمقابلة احفاد وابناء الامراء والفرسان واخذ الصور الحصريه في المنتدى والمقابلات الرائعه .

وبالتالي نكون ضربنا عصفورين بحجر واحد منها اجتماعنا وتقابلنا وكذلك تعريف الكثير من ابناء القبيله بفرسانهم وامرائهم .

بل عدة عصافير بحجر واحد وهو ان يصبح منتدانا هو المنتدى الرسمي الحصري الوحيد الذي يمكن الرجوع اليه لاعداد التقارير او اخذ الصور بالنسبه للمجلات الباحثه ويكون حصريااااا وبالتالي اعضاء اكثر وانتشار اوسع .

يااخوان انا مستعد من ناحيتي لاي خدمه ممكن اقدمها لكم ولهذا المنتدى الرائع اللي اتمنى اشوفه احسن منتدى اخبارا واحداثا واخلاقا ورقيا وثقافة .

وفي النهاية جزاكم الله الف خير وشكرا لما تبذلونه ولما ستبذلونه ان شاء الله
وعساكم على القوة.


تحياتي لكم

ويييييييينكم؟؟؟
 

وين الهمه وين العزم وين المراقبين ؟؟؟

علشان لاتزعلون يالربع هذا موضوع طرح للنقاش والدراسه وازعم انه سيعطي دفعه للمنتدى فمن يوافقني حياه الله ومن يعترض يبدي لي الاسباب شاكرا

وترى الموضوع هذا ليس حصرا على المراقبين فقط بل جميع الاعضاء وفي النهايه الموافقه طبعا للقائمين على الموقع فلهم كل احترامي.



تحياتي لكم

والله فكره أكثر من رائعه يالفيصل

بس المشكله التطبيق ............................ مَـن مِـن الأعضاء مستعد لمقابلة الامراء والشيوخ ( يبيلهم واسطه )


من ناحيتي ما قد قابلت شيخ من عتيبه الا واحد وتوفى الله يرحمه

ياسلام عليك يالفارس ؟
 

ياهلا والله وغلا بالفارس

والله يشرفني ردك يالغالي وملاحظتك اخذها في عين الاعتبار ووجهة نظرك احترمها

وياليت المراقبين يحذون حذوك هم والاعضاء بهالطريقه راح استفيد ونستفيد كلنا من تعدد وجهات النظر .

يالفارس بالعكس ياخي شيوخنا متواضعين الى ابعد الحدود وصدقني لما تقابل واحد منهم تحس انك تعرفه من زمان واذكر على سبيل المثال لا الحصر الامير فيحان بن تركي بن ربيعان امير الفوج التاسع بالحرس الوطني واولاده الكرام وعلى راسهم الامير الشهم نايف بن فيحان الذي يخجلك بتواضعه كذلك ابناءه البررة والقائمه تطووول .ولايهونون باقي مشايخنا يالفارس اللي توفى منهم الله يرحمه والحي سالك منهجهم . اجل وشلون صاروا شيوخ وامراء بافعالهم وتواضعهم ولا انا غلطان
يالفارس .

عموما حبيبي الفارس اشكر لك ردك اللي شرفني والله يالغالي واستنى ردود باقي الاعضاء وتفعيل الفكرة لترى النور وشكرا لكم .



تحياتي لكم

الاخ الفيصل

الموضوع رائع والفكره جميله ولكن مثل ما قال الاخ الفارس التطبيق نوعا ما صعب
من حيث البحث واجراء اللقاء والتصوير فنحن لسنا مجله اعلاميه

فبعتقادي انك ستواجه صعوبه في مثل هذه الامور


وانت مالك الا الشكر على حرصك على تاريخ الهيلا ورجالها
وبيض الله وجهك

وتقبل تحياتي :اخوك الخنفري

فكرة اكثر من رائعة , وبتكاتف الجميع سوف نصل لما نريد , واشكر اخي الفصيل على هذا الاقتراح الرائع , وبالفعل نحتاج لمثل هذة الخطوة لكي نستفيد اكثر..........

تحياتي...........

بين الخنفري وابن مشيب؟؟
 

هلا يامسهلا ايه هالحين الواحد يقول فيه تفاعل.

الخنفري : ردك يشرفني ياطويل العمر ولكنه متشائم ههههههه يالخنفري الله يرضى عليك اذا انا لوحدي راح اواجه صعوبه كبيرة ولكن راح انجزها ان شاء الله لاني في خاطري اضيف شي لهذا المنتدى الغالي .
وترى يالحبيب ماهو شرط ان حنا نكون مجله اعلاميه بالعكس فيه منتديات كثيرة لها رابطه اعلاميه وانظر جيدا لكلمة راااابطه اي ليست مجله بل كل الذي نحتاجه من وجهة نظري الاولى :((وانتظر تعليقاتكم طبعا))

اولا: شخص ضليع في التاريخ والاسئله يقوم باعداد الاسئله المناسبه لطرح الموضوع.

ثانيا : كاميرا ديجيتال او من النوع الذي نستطيع ان ننزل الصور هنا في المنتدى بعد الانتهاء من التقاطها .

ثالثا:شخص يقوم بالتنسيق مع الامراء الذين في منطقته وتنسيق موعد اللقاء حسب الفرصه المتاحه للاعضاء .

ثالثا: ان يتم ترشيح الرابطه من قبل المراقبين وتنسيق الاتصالات والمقابلات بينهم للتخطيط لكل مقابله .

وبس ومثل مايقولون اهلنا ((ماهان تبارك )) يعني الشي البسيط السهل تكون البركه فيه دائما ان شاء الله.


ابن مشيب : ردك عجبني وعطاني دافع زياده لمحاولة اخراج هذا الموضوع بالشكل المطلوب وكثر الله من امثالك يالغالي ومشكور على ردك .

وبانتظار البقيه الذين يشكلون معكم سر كتابتي في هذا المنتدى.



تحياتي لكم.

الفيصل
 

فكره جدا رائعه لكن اعتقد ان هالموضوع غطوه باحثين الله يعطيهم العافيه
ولكن هذا لايمانع تطبيق ماتقوله
يدي على يدك