ياشين بعض الناس لو انه قريب
 

ياشين بعض الناس لو انه قريب
يحط الك وسط العسل سمن ذحاح
عكس البعيد الي معك دايم يطيب
كنه يشربك الزلال من القراح
شين يشيب بسود الراس ويشيب
من تجربت دنياي هاذي يافلاح
قاسيتها من بعد مامات الصحيب
الشايب الي كنه اليومه مااراح
ان كان قد نسيوه رديان النصيب
قلبي بطيفه ماسلا ولا استراح
كيف اتناسى واحدن جرحه عطيب
في وسط قلبي كنه اسهوم الرماح
فرقاه نارن جالها صلو ولاهيب
تجتاح كل اضلًوع جاشي بجتياح
حتى تخلي موق عيني له صبيب
تقول نون بارقه فالمزن لاح
يسقى على دربه قناطيش الذهيب
اطروش قومن غاديه من المراح
بسباب من طيفه له الصدر الرحيب
مفتوح بابه فالمسى والا الصباح
تقدير اله لحل طيفه نستجيب
والا على ويش انتغنى باالسباح
الشعر فن وذوق والشاعر يخيب
ماهوب دايم كاسبن كل المداح
وانا خيالي لاحظر ماهو يغيب
يارد على الي يارده موم الجناح
عدن قليبه مامثيله من قليب
دايم مواريده على حدوده شحاح
منه انتقي كل الفرايد والعجيب
الي تليق ابراعي الوضحاء الشناح

فرحان دربيل