|
حبيب العازمي وتركي 2000 والمقصود سوار الذهب
اليوم جايب لكم محاوره قديمه شوي ومعناها اقدم منها المحاوره بين حبيب العازمي وتركي الميزاني قصة المحاوره يقال انه وقبل حوالي عشرين سنه حدثت مشكله بين احد افراد قبيلة العوازم من عتيبه وبين الشاعر عبدالله الميزاني (سوار الذهب) بسبب كلام من سوار الذهب وحدث هذا الشي اما احد البقالات في مدينة عفيف المهم بعد ان اشتد النقاش جاء عبدالله بمشعاب من سيارته ولكن العازمي كان له بالمرصاد فاخذ مشعابه ورده فيه وبعدها ماذا حصل ؟؟؟ اتى بحبل من سيارته وقام وربط وقيد سوار الذهب امام باب البقاله حوالي ساعه كامله وكل من جاء شافه وبعد مرور حوالي ساعه وبعد تدخل الحاضرين وشفاعتهم قام وفك قيده وقال عيني لا تشوفك . من هذه القصه بدع حبيب معنى محاورته هذه ولكن امام من امام؟؟؟امام تركي الميزاني وبسبب مستوى تركي الشاعري وقوة المعنى الذي يحتاج الى شاعر قوي جدا ولان تركي اعترف بالموضوع وفشل ربعه قام سوار الذهب غاضبا ذلك الليله وغير الطاروق وطلب حبيب وهو غاضب ولكن حبيب اخذ يسئهزى به وقول اطلب الله في حسن الخاتمه . اترككم مع المحاوره مع قليل من التفصيل: حذفت الموالين الاوله لانه ترحيب عادي حبيب العازمي: انت ما شفت الي مجنون لاله ولاله ** قال الي واحدن شافه مكتف لحاله فوق حيد الرصيف وقدم باب البقاله**والمثل قال مال الحمله الا جملها نشوف الذيابه مير ما تأكل الذيب**ترا الذيب غير الموت مافيه ضده هنا حبيب بدع المعنى في الموال والبيت الذيب اللي ما احد ضده : هو ابن عمه العازمي تركي 2000: انت تنشد وكنك ما نت عارف مكانه**وانت قبل امس يا حبيب تفحط وزانه يا حبيب ترا سيف البنادم لسانه **والمثل قال مال الحمله الا جملها مكاتيب يا دنيا المعنى مكاتيب **عسا الي رقد يرتاح فوق المخده حبيب العازمي: ان حصل ماقفن يدعي الجموع اشتركنا ** وان تركنا المقفي نترك اللي تركنا والله انه يعزك يا فهد يا ملكنا ** والمثل قال مال الحمله الا جملها خبول العرب دايم تشيل المشاعيب **وكم خبل مشعابه يوقع في خده ما نشدتك وانا عندي كلام وحقيقه ** خابر انك منول فالمجالس صديقه يمكن انك تركته بعد طب الحديقه**والمثل قال مال الحمله الا جملها ترا اللفظ يا تركي ببعض الخطا عيب ** لكن افهم الموضوع والعلم وده علم ابن عمك يترك الخطا على الرياجيل والالفاظ السيئه تركي 2000: من يضيع طريق الحق مالي وماله**والرساله يوصلها بريد الرساله وانت روح لحالك كان روح لحاله **والمثل قال مال الحمله الا جملها يهندب ما بين الناس راعي الهناديب** وترا الشر فالعربان عكس الموده انت راعي المشاكل كلها والقضيه ** يا خوي نهار السبت زاعل خويه ان سمعتوا كلامي حلكم في يديه**والمثل قال مال الحمله الا جملها يبا يفتل الرجال رؤؤس الاشانيب**وحبل المحاله يسحبه من يشده هنا استشاط سوار الذهب غضبا وقام وغير القاف لان تركي لم يرضيه ولا نلوم تركي لان هذا مستواه والمعنى اكبر منه. |
أبو فايح سلامات
لا غلطان شووف وفسر الابيات اختراع عجيب تحريف |
ياليت تراجعون الأبيات فقط مأتوفعها كذا المعنى
|
اقتباس:
صح النوووووم يا بوفايح وين رايح يا الحبيب المعنى أوضح من الشمس في فيصل الرياحي الله يرحمه بعد الزعل بينه وبين حبيب وانت تقول سور الذهب والعازمي وبعدين خل عنصريتك بينك وبين نفسك ماهو في المنتدى |
اللي معارض فالمعنى نحترم وجهة نظره وان كان عنده تفسير يدلي بدلوه حتى نرى من يحرف ويخترع من عنده . لكن انت يا اخ شاعر خطير تقول المعنى في فيصل الرياحي الله يرحمه ولكن انا اقولك مالك لواء قبل الموال لعبوا على معنى فيصل الرياحي في طاروق كامل وانا لم انقله لان فيصل ذهب الى ربه ولا حاجة ان أطرح ابيات ربما تمس شخص في قبره . وان كنت مصمم ارسلت لك الطاروق على الخاص . وبعدين اللي بدع المعنى هو حبيب كيف يسأل تركي عنه الخلاف لاتقول لان تركي كان خوي فيصل لا هذا المحاوره قبل ان يشتهر تركي . |
قصه عجيبه وجميله:)
|
يابو فايـح مواضيعك دوم خطيرة
الله لايحرمنا من هالتميز والله لايحرمنا من هالطلة علينا كفوو بلاد عاصي لا شلت يمينه :) نتظر جديدك بكل شووق |
اقتباس:
يالبى الحميه ;) |
اذا كانت المحاورات بهذه السطحية اعتقد ان أي واحد يقدر يكون شاعر محاورة
اخوي ابو فايح حبيب شاعر كبير لا يمكن ان يبدع قاف بهذه السطحية ثم ان حبيب لا يمكن ان يمس سوار الذهب بسوء لأنهما صديقان في ذلك الوقت اعتقد ان المعنى يتعلق بالرياحي خصوصا انك ذكرت ان القاف اللي قبله كان بهالموضوع لان بعض القيفان تنكسر والشعراء ما شبعوا من المعنى |
اولا: مستحيييييييييييييييييييييييييل
يلعب حبيب بالمعاني السطحية هذي اللي فسرتها ياخوي ثانيا: استهتارك بتركي ماهو في محلة وتركي شاعر كبير رضينا ولامارضينا ثالثا: جب المحاورة من اولها رابعا: عندك خطا كبير كيف يلعبون موال ثم يلعبون موالين |
| الساعة الآن »09:59 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd