من روايع محمد السديري
 

"
بسم الله الرخحمن الرحيم
قصيده/الامير الشاعر محمد السديري

يقول من هم نـــاوي يتــــبع القاف
طارٍ عليه يصرف الشعر تصريف
ماعن في قلبه هـــوى ســـــمر الاغداف
نجل العيون مخضبات الاطاريف
قلته وانا من بين وديــــان الاشــــــراف
بالمرتفع بين الجبال المقانيف
جسمي بها كنه علــــى جال مهــــــياف
وهاجوس قلبي ناحرٍ يمه السيف
البارحه جفني لحلو الــــــــــكرى عاف
يوم النعايم فوق راسي مشاريف
تسابقن قلبـــــي هواجيـــــــس ارداف
الليل طال وحن قلبي على الكيف
وناديت من حولي يجــــعل بالســـــــعاف
يشب نار ادلال بيض مزاهيف
ياحسين شـــــب النارواسرف اســــراف
حتى يصير الجمر فيها مشانيف
ومن حب خولان الخضر هاتـه اجزاف
واحمس ونسفها على الجمر تنسيف
ودقه بنجرٍ تالي اللــــــــيل رجـــــاف
و ياحسين لقمها ببيض مهاديف
ومن هيل دار الهند زودلــها ىســـناف
وزله وخل الكيف يذرف مع الليف
كنه بوسط الصيـــن مرجان وارعـــاف
أوادمٍ جوف اللى تقود المخاشيف
وعطنيه ياتابـــع هوا كــــل غريــــاف
لو ان حره فوق قلبي مراضيف
اغدي هموم القلــب تـــنوي بالانـــكاف
ويقفن عن قلبي خفاف محاريف
جاني بيوت مـــابها عيــــب وانــــظاف
فيهن من الطيب بلاغه وتعريف
يذكر علوم جـــــابها كل خفــــــخاف
بالكذب زادو هرجهم بالغطاريف
مجمعين الكــــذب بالهــــرج زهــــاف
مثل الرقيعيات دايم خواطيف
اثر العلوم ضـعاف وعلومها ضــعاف
وفواههم للشين دايم غواريف
احدٍ على درب الردا يــهرف هراف
وحداً على العليا يعد المشاريف
وحدٍ عليه الســــــويا رشد لـــحاف
وجهك عليه البيض توضي مكاشيف
انا بفضل مـنزل ايات الاحـــــــقاف
لاجاً بضله عن هبوب العواصيف
ايضاً وانا من قول من كان مخاف
ارقد بامان الله ولو مامعي سيف
الناس يامرشــد بالايام بـــــخلاف
وانا ومثلك للفضيله مواليف

الله يرحم الامير الشاعر محمد السديري,,,,

وسلمت يامتعب ع النقل,,,,

الله يرحم السديري
وشكرا على النقل يامتعب

امين الله يرحمه ويرحم اموات المسلمين


ولاهنتوا ياخواني

«®°·.¸.•°°·.¸¸.•°°·.¸.•°®»والله شاااعر وامير «®°·.¸.•°°·.¸¸.•°°·.¸.•°®»

,,

لا هنت يالغالي.

,,,,,,

بيض الله وجهك