سر ياقلـم واكتـب الابيـات بالعـدِّي=
عشرة بيـوتٍ فرقـت بقافهـن فرقـا =
قافٍ يشيـل الغـلا والقـدر والـودِّي=
ومن زين طاروقته غنّت بـه الورقـا =
ملفـاه ربـعِ حشـامِ جدّهـم جــدّي=
كسّابـة الطيـب لاسـرقٍ ولادرقــا =
ربعي عتيبه من ادنى تدحـم الضـدِّي=
ماعندنا فـرق فالروقـه وفـي برقـا =
وربعي عتيبه تحـد وترسـم الحـدِّي=
وحدودهـا بيّنـه فالغـرب والشرقـا =
مدحت ربعي وحبـل الطيـب ممتـدِّي=
واللي يبى الطيب يحرق فالردى حرقـا =
وليا اجتمعنا نهار الحفـل مـن قـدّي=
يرقا خيالي وانا اتبـع ساقتـه وارقـا =
وديّ بخـوة رجـال المعـرفـة ودّي=
والمعرفـة تنشـري بالعملـه الزرقـا =
في يوم الافراح بيّـح بالفـرح سـدّي=
ومن فرحتي قمت اشيل الصوت بالطرقا=
والشعر مثل البحر والجـزر والمـدّي=
سفنٍ ترسّـي وسفـنٍ فالبحـر غرقـا =