s وسوم قبيلة العصمه s
 

بسم الله الرحمن الرحيم




ـ الحيه او الهايش ـ ويطلق عليها البواكير ولاكن المتعارف عليه الان هو الحيه

ـ s ـ



وسم عام لقبيلة العصمه من عيال منصور من برقا من عتيبه


وهم كالاتي ـ


(العمريه)
ياسمون الحيه على الرقبه من يسار ولكل فخذ وخامس واسره شاهدها


(العبابيد)
ياسمون الحية على الرقبة من يسار ولكل فخذ وخامس وأسره شاهدها


(الشجاعين)
على الرقبه من يمين ولكل فخذ وخامس واسره شاهدها ماعداء فخذ الركيبات منهم ياسم الجروف

(الحمارين)
ياسمون الحيه على الرقبه ومنهم من يضعها على الخد ومنهم من يضعها على الفخذ من يمين ولكل فخذ وخامس واسره شاهدها


(الشفعان)
ياسمون الحيه على الرقبه من يمين وبعضهم من يسار ولكل فخذ وخامس واسره شاهدها

(الجلاه)
ياسمون الحيه على الرقبه من يسار ولكل فخذ وخامس واسره شاهدها


من الشواهد فالشعر الشعبي ـ


الامير تركي ابن حميد ـ


مانام لوكل الجماعه ينامون,,لاواعيوني مبعد النوم عنها
(((لينن اهل عوج الوسيمه يحلوون,,قومٍ تزبن فاللقاء من زبنها))
الادعاصم زبن من كان مغبون,,قومٍ تقلد فالمعارك كفنها
مركى عتيبه يوم طاعن ومطعون,,ومقلطة حيل الغنم في صحنها


عوج الوسيمه ـ كناية ٍ بالهايش او الحيه لانها متعوجه متعاقبه


وايضاً


قال العصيمي من ضميره تهيض *** كما الدر من خلف لذيذ شرابها
تكلت المرباع والصيف كله *** وخريفها ما مل منها جنابها
نشق الدِّيـََر بين الرضا والغصيبة *** على شأن حمر وسمها في رقابها))
واليا شعاها صايح من خريمه *** غزيز خيل سابقتها ركابها
ولحقوا على زينات الأوعاد ضمر *** سواة الأهله معتبين(ن) حزابها
لحقوا وثار الملح بين الدياقا *** في عبلة بيضا يلالي سرابها
وصاحوا عليهم صيحة عاصمية *** بصافي الحديد اللي معرب زهابها
راحوا شلايح في يدا كل مقدم *** روحه يعرضها الخطر ما يهابها
الشاعر عبدالله بن دخيل الله الشجعاني العصيمي

ويقول احد شعراء العصمه
ـ
حنا ليا سيق الجهام يعرف وسمنا
نعرقص الحيه علـى المفـرود


وقصيده لـثواب السبيعي من قبيلة سبيع العزيزه يتوجد على جيرة صامل المحيشيرالعبادي
ياليتني من عقب قطر المحيشير
يابن ثمر ماعاد جالي قطيري
قاربت انا قطر الرخوم المثابير
سراي ليل طايح في حظيري
والله يالعارض وقل المساعير
يسكن به اللي راس ماله بعيري
لاصل من الزيدي ليا خدت النير
واصل اليا ماسل وعندي وحيري
مع جوف قطعان عليه البواكير)
وسم العصيمي فوقها مستديري)
اهل بيوت كنهن الدواوير
ذباحتن للحيل والله خبيري
وهل نجور يجلبن المسايير
ولا قط به يومن عليه عسيري



من المصادرـ
وسوم الأبل في الجزيرة العربية ( حاضر و وبادية)
المؤلـف : مساعـد بـن فهـد بـن نـزال السعـدونـي

-
s





بيض الله وجهك يا أقط محزم ما قصرت

وش وسم الركيبات من العصمة




ماهو الجروف على الخد من يسار



والعصمة كانو وسمهم قديما الجروف ان صحة الرواية والله العالم


ماهو تعليقك

واول مرة اسمع بهذا الشطر من قصيدة تركي بن حميد


وسلامتك

للاضافة والاطلاع


ثلاثة الجروف وسم للحلاحلة عامة ومنهم الركيبات

لا هنت على التوضيح يا طيب

لاهنتو على المشاركه جميعا



اخ الفهاد


وسم فخذ الركيبات من بطن الشجاعين لجروف وذكرته فالموضوع


وقصيدة الامير تركي بن حميد وردتها كما وردوها الرواة وكما هي معروفه عند القبيله



والعصمه وسمهم عااااااااام الحيه من سالف الازمان



ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ



د نايف العتيبي



انا ذكرت الاقسام او البطون الرئسيه للعصمه ووسمهم على انه معروف العام انه الحيه لاكن من الفروع من يحطها يمين واحد يسار واحد على الفخذ الخ...


وماينطوي تحت هاذي الفروع الرئيسيه من فخوذ وخوامس شواهدها يصعب حصرها ...وانت تعلم بكثرة تفرعات العصمه..



ولا تجاهلت فرع رئيسي من قبيلة العصمه الا اذا كنت تجهل في تفرعات القبيله راجعها وتعلم..








تحياتي لكم

والله وسبعة انعام بقطمان المحازم
اهل ابل واهل خيل
وتاريخهم معروف

لا هنت يا حبيب قلبي