وهذه قصيده للامير تركي بن حميد العتيبي بعثها للشيخ بن هادي
 

هذه القصيده لتركي بن حميد
بعثهاللشيخ بن هادي شيخ قحطان
تركي بن حميد

[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=350% align=center use=ex length=0 char="" num="0,black" filter=""]
يازين كرب فوق ما يطرد النوم"=" حراير يازين مثل الاهله
مرباعهم ما بين ظلم والاكموم "=" ومن السفيف يرمحن الاظله
ملفاك شيخ بالقسا يذبح الكوم"=" شيخ وشيخان القبايل تدله
تلقا محمد زبن من جاه مضيوم"=" ربن الذليل اللي مخيف محله
والى لفيت الشيخ يازين ملزوم "=" تعطيه مرسوم بوسطه سجله
وان كان جيت النضو يازين ما سوم "=" رد الخبر والنضو يازين خله
جانا من الشايب مكاتيب وعلوم "=" حي الكتاب اللي لفا حشمة له
الشايب اللي ينقل الكبر والزوم "=" باغي لحكمي مير انا عاصي له
الله يغشك يوم غشيتنا اليوم"=" تقرى الكتاب ولا تهاب المظله
جزاه من عندي من الخيل حثلوم"=" مثل البرد من مزنة مستهله
ان كان تذكر سابق لك من اليوم"=" فرس عتيبي ورد شاهد له
انا برمحي بأول الخيل ملحوم "=" والا انت رمحك عند ساره تشله
اديت انا اربع قحص والخامس التوم "=" بقعود زبن اللي بغاما حصل له
لاوالله الا روحوا ربعنا قوم "=" تنافضة من بينهم iiبالاجله
والحرب شب وشبشبه كل شغموم "=" من شبته مخ الفرنجي عصا له
أعرف ترى من طاح ما هوب مرحوم "=" أكود من رب الملا شافع له
شافي وجرمان غدو بأول القوم "=" خلوا امطوعهم وانا شاهد له
خلوا امطوعهم على غوجه التوم "=" عزيل من حط الردى مسند له
وانتم كما حوت على الشط لاهوم"=" وحنا اخلقنا للواهيم عله
وانتم كما ضلع طويل ومزموم "=" وحنا خلقنا الله انجوم تهله
وانتم كما طير البحر ذاك ابالحوم "=" وطير البحر ما يذبحه غير ظله
[/poet]

مع تحيات اخوكم :- مطلق الشيباني

مشكور ياخوي مطلق الشيباني , على مشاركاتك المتألقة , وهذة المشاركة ليست غريبة منك.


تحياتي.

بيض الله وجهك يامطلق على هذه القصيدة الرئعة

انا برمحـي بـأول الخيـل ملحـوم "
" والا انت رمحك عنـد سـاره تشلـه

قصيده مشهوووووووووووره
يسلم مناك يامطلق
قصيده رائعه وبيض الله وجهك
بن عمك :
عبدالله العتيبي

بســـــــم اللــــه الرحمــــن الرحيـــــــم
 

صح السانك / اخوي مطلق الشيباني

والله ماجبت الا اجل شيخين , ولا اقصور في مشائخ القبائل

لهم تاريخ ...........قد سادوا بلاد الجزيرة العربية

بافروسية , وفصاحة القصيد :-


وانتم كما حوت علـى الشـط لاهـوم
,,,,,,,,,,,,,,,,,,,,,,,,,,,,,,,, وحنـا اخلقـنـا للواهـيـم عـلـه
وانتم كما ضلـع طويـل ومزمـوم
,,,,,,,,,,,,,,,,,,,,,,,,,,,,,,,, وحنـا خلقنـا الله انـجـوم تهـلـه
وانتم كما طير البحـر ذاك ابالحـوم
,,,,,,,,,,,,,,,,,,,,,,,,,,,,,,, وطير البحر ما يذبحـه غيـر ظلـه

ما يقول هذه الا بيات الا واحد قد عرف وشرب بحر القصيد

ويقولون بدو لا يعرفون شي عن تعبير معاني وتفسير الكلمات

شعرف تركي بن حميد عن .........طير البحر انه اذا شاف ظله وهو جائع

رما بنفسة عليه ويكون ما قتلا الا نفسة,,,,,,,,,,انظر كيف شبة بن قرملة

بهذا الطير البحر الذي لا يذبح الا نفسة , وكذالك بن قرملة هذا الرجل الذي

كان صيتة ساد البلاد , بقصيدة وشجاعتة, الفذه

بارك الله فيك ياشيباني ويعطيك العافية

اخوك / ولد مجري ..............الرويس


@@@@@@@@@@@@@@

وانتم كما حوت علـى الشـط لاهـوم
,,,,,,,,,,,,,,,,,,,,,,,,,,,,,,,, وحنـا اخلقـنـا للواهـيـم عـلـه
وانتم كما ضلـع طويـل ومزمـوم
,,,,,,,,,,,,,,,,,,,,,,,,,,,,,,,, وحنـا خلقنـا الله انـجـوم تهـلـه

هالله هالله :)

قصيده قممه الروعه

ويعطيكم العافيه على هالقصايد للامير تركي بن حميد

تقبلو خالص تحياتي :

اخوكم وبن عمكم : عبدالله الذيابي

مشكور يامطلق على القصيده بس لي بعض الملاحظات:
1. فيه غلط بسيط في القصيده فأنت كتبت ( يازين) والصحيح ( يازبن)
2. أعتقد والله أعلم أن القصيده ماتجي كامله وأقصد أن بدايتها أبيات من تركي لأبن هادي ثم رد أبن هادي وهكذا ...ولو أنك ذكرت رد أبن هادي كان صارت الصوره أجمل...وشكرااااً

تحياتي
العتيبي2003

الى ابناء العم ..............................................
 

مشكورين على مروركم الذي اعطى الموضوع اهميته .. وتسلم ابدانكم ...........


## واشكرك يالعتيبي 2003 على ملاحظاتك وهذه مثل مايقولون غلطه مطبعيه هههههههههههه ## وعن قريب انشاء الله اذكر رد ابن هادي

مع تحيات الاخوكم:- مطلق الشيباني

بسم الله الرحمن الرحيم
 

تسلم يمناك