راكـب الـي ون مشـا دقـت رنوحـه=يـوصـلـن الـــي هواجـيـسـه رنـايــح
ان سـرح ياسـيـدي يعجـبـك نـوحـه=ون سرى ياخذ من السرحي ملامح
سامـحـك يـازيـد ربــي والسـمـوحـه=ون حصل مني خطى يازيد سامـح
الـغـلـط مـعـقـول والـعـاقـل دمـوحــه=واكــرم الاجــواد يـازيــد المـسـامـح
والله ان الـعـلـم مـقـبـيـن وضــوحــه=ليـن جـا يازيـد منـك اليـوم واضــح
باعتـك مـن بـاع الايــام الشحـوحـه=يـوم ترخصنـي ف الايـام الشحايـح
والـزمـان بخـيـل والـعـالـم شـفـوحـه=لــــو اعـشـيـهـا واغـديـهــا ذبــايـــح
ان وفـيـت بـشــي ماعـيـنـت لـوحــه=ون هفيـت كتبـت فــي كــل الـوايـح
ونص عوان الدهر ماهـي نصوحـه=لا يـغـرونــك مـكـثــرت الـنـصـايـح
فيهـم الـي ل الدغـش ســره يبـوحـه=ون لمح وجه السبـع جالـه صوايـح
وفيـهـم الـــي لاهـبــود ولارمـوحــه=ولا يعرف شويحه من راس شايـح
ما بقي ديسـن كبـر ديـس المسوحـه=مـيــر يـاقــل بركـتـهـا ف المـنـايـح
نعنبـو دوحـة قـطـر مـاهـي بـدوحـه=ولايـغــرد بسـمـهـا غـيــر الـدوايــح
رايـحـن لــون مـالـي عـنـك روحــه=وكـل الله واعتبـر نـي عـنـك رايــح
مــع تحيـاتـك لـبـو عـيـنـن ذبـوحــه=والتـحـيـه مــــن جـدايـلــه الـسـبـايـح

المشاركة الأصلية كتبت بواسطة عناد الشيباني (المشاركة 1206497) وعليكم السلاام.. ابدعت صح السااااااااااانك ولاهنت

المشاركة الأصلية كتبت بواسطة محمد الذيابي (المشاركة 1206530) صح لساااااااااااااانكـ شاعر جزل وغي مستغرب منكـ الجزاله

المشاركة الأصلية كتبت بواسطة دبٌاس الزيادي (المشاركة 1206623) صــــــح السانك ولله درك ابدعت ابدعت ولاهنت ياراعي الزرقا