السلام عليكم ورحمة الله وبركاته

صباح الخير عالجميع

هذه أول مشاركه شعريه لي في المنتدى الراقي العالي باداءه

فأحببت أن أضع بين أيديكم قصيدة من قصائدي الجديده ولكن متميزه بمحتواها المشرف

فمن أراد أن يكتب عن الشخص اللي احتوته قصيدتي او بالاصح هو من كتب نفسه ورسم صورته


الحسنه في قلوب الملايين وعقولهم لابد أن ينقطع عن الناس ويعيش مع أفكاره


ولن يستطيع حتى اغلب الشعراء ان يحيطون بكل صفاته ومحاسنه ومزاياه


ولو حاولوا فاجزم انهم لن يستطيعون مادام انهم سيكتبون في شخصية


اسمها صاحب السمو الملكي الأمير / سلمان بن عبدالعزيز ال سعود ((حفظه الله ورعاه))


هو أمير منطقة الرياض وأمير قلوبنا أايضا


وأنا وان كتبت فيه قصيده فلن اوفيه حقه علي مهما كتبت

ولكن هي مشاركه مني فقط لشخص يستحق ماقلته فيه ولم أبالغ والله

فأسأل الله أن يحفظه وينصره ويديمه لكل خير


وأبدا في قصيدتي واقول

يا اهل الفخر ماللفخر غير راعيه = وأنا نويت افخر بشعري وانادي
لكن قصيدي لو بسويه واعليه = لازم أجيب اسم تعلى فؤادي
اسم غدا من ينشد العز ويجيه = يلقاه واقف فاللوازم قيادي
الطيب بيته ساكن فيه بانيه = وأصبح أثاث البيت طيب المبادي
هو ليه ما افخر دامي اليوم مطريه = أفخر واشوش ودام فكري عتادي
القاف يفخر في أميري ويدعيه = حتى غدا ذكره سوالف تعادي
أمير نجد اللي بلا شوف نغليه = قبل التقي وأصافحه بالايادي
سلمان قوله جنب فعله مساويه = وافكار شيخ شهم بالطيب بادي
سلمان لو نكتب ونكتب ونعطيه = نقصر بحقه يصبح الفكر غادي
أمير أمير ولو نجي له نحاكيه = نلقاه في بيته مثل شخص عادي
له هيبة من راسه اليا مواطيه = تكسيه والمخطي يجيه ويقادي
سلمان نجم فوقنا مانجاريه = سلمان مثل الغيث بالخير زادي
سلمان طيبه زاد سلمان مافيه = ردية تفرح جميع الاعادي
جيت اكتبه قاف تشرف بحاويه = واثره كتب نفسه عن الخير ذادي
ولكل شاعر مطلب دوم يبغيه = وأنا مع الشعار بطلب مرادي
لكني اترك طلبة الشيخ والبيه = واطلب من الله رب كل البلادي
يارب اميري تحفظه لا تعنيه = وتشيل عن دنياه كل السوادي
وتذكره لفظ الشهاده وتعفيه = ولجنة الفردوس خير المعادي
هذا دعاي وماتمنيت وارجيه = من سامعي آمين رده وكادي
واختامها لو عندي الكون شاريه = يبقى ذكر سلمان بالقلب سادي

وسلامتكم


الشاعر / فهد بن مقبل الروقي

المشاركة الأصلية كتبت بواسطة ابو عبد الإله (المشاركة 1057260) بسم الله الرحمن الرحيم صح لسانك اخوي الشاعر فهد مقبل الروقي قصيده في محلها وسلمان يستاهل الاطراء كما حصل في قصيدتك وشكراً لك

المشاركة الأصلية كتبت بواسطة ܓܨ عبدالله البرقاويܓܨ (المشاركة 1057261) --أسأل الله أن يحفظه وينصره ويديمه لكل خير -- وصح الله لسانك اخوي الشاعر فهد ولاهنت ننتظر جديدك

المشاركة الأصلية كتبت بواسطة ضاامي وفااا (المشاركة 1057693) http://farm3.static.flickr.com/2157/...34cb7c0f_o.gif [http://farm3.static.flickr.com/2296/...e1242c41_o.gif

المشاركة الأصلية كتبت بواسطة عبدالله الفهد الاسعدي (المشاركة 1058064) صح لسانك مدد والله يطول بعمر ابو فهد ويستاهل المدح تقبل مروري