مشهاتهم هرموع غـرب القـراره =وخشم العريق وصفو واقصاه وادناه
وادن مسيلـه تحتديـه الـزبـاره =وادن غدير الضرس مارد رعايـاه
هـذاك شـف متيهيـن الحـواره =لاصـار بالشبـرم مربـه ومربـاه
لا بكر الوسمـي ولجلـج خضـاره =ياهجر حي(ن) مامشى فيه هجـراه
ما كف طخفـه وستندبـه ايسـاره=وللهضبه اللي رسها ينكـري مـاه
رس(ن) ليا حطيت مـاه بغضـاره=خطرن على اللي مادرى عنه يكفاه
وياصل ضواحي كشب وادنى سماره=وعد(ن) لعل مروح المـزن ياطـاه
حد السهل مـن نايفـات الحجـاره=لـو انتحانـا بالخطـا مانسيـنـاه
حتيش لو عشنـا بجـو الحضـاره=قلوبنـا بأمـلاك الاجـداد مشقـاه
مدهال ربعـن يشعمـون المنـاره=لطامـة العايـل نهـار المـلاقـاه
عدٍ قـراح وعـدٍ همجـن بيـاره=الله يرحـم سربـتـن ورثـونـاه
قبيلـةٍ يعـرف بهـا العـد كـاره=الاسـم بيـن والقبايـل مسـمـاه
يكتبنـا التاريـخ بأسمـه عبـاره=مشددتنا جردة الركـو عـن مـاه
جمعـن علينـا ودهـم بانتصـاره=وعن حدنا وقت المواقـف حدينـاه
باللـي عباريـده تقـادح شـراره=لوقعت في صامل العظـم تشضـاه
ندحم به الاجنـاب جبـر وجـداره=والعد حده مـن اعدانـا احتمينـاه
لا لا المشايـخ نزلـة والامــاره=وحطو حدوده من ورى حد مضماه
سقوى ليا عج النفل فـي حجـاره=وتعاقبت خضـر المسايـل بقفعـاه
فالبـرد ولا فـي ليالـي الحـراره=يازين مقياضـه ويازيـن مشتـاه
تصبح وتمسى في وبرهـا غيـاره=حمى الشعاف وكـل شـي جربنـاه
وليا نويت مـن الشفـا بانحـداره=اطمن على عردان وانزل حـوالاه
واخذو لها يـم اسفـوات افتـراره=وردو سجا وانزل جنوبن لمضمـاه
في جاضع المشقوق بايمن مطـاره=وخل الدبش عبلة خساران مفـلاه
يومن على البـره يومـن يسـاره=على الينوفي وشربوا كرع خبـراه
تراه مـن نجـد المسمـى خيـاره=يازين سجات القـدم فيـه زينـاه
دارن تقول هضابها نصـب شـاره=يصفق عليها النود من كل مجهـاه
بيض العبال اللـي هواهـا طهـاره=لروح نسيمـه هايـم القلـب داواه
ماكفـه الصاقـب لحـد الفـقـاره=من لاربا فيه الدبش ليـش يجنـاه
خسارتـن جنيـه وتبعـه خسـاره=لو كل نفسن فـي وطنهـا مشقـاه
وكلن على فكـره يقـول اختيـاره=ولو خيرونـي غيرهـا دار مبغـاه
من ابرق ابن حميد والعلم اشـاره=للحمـي ولبـة النـيـر واغـثـاه
وايضا من الماء الحي شعر ومفاره=مـن الجثـوم للرقـاش وهبايـاه
سنام نجـد اللـي يسمـى فقـاره=كم شيخ قومن جاء يباه وطردنـاه
لو يلحقون القـوم غـاره بغـاره=كلن نسوقـه ليـن نقلـع نحايـاه
يشهد به الاوصر وحِبـل ومـداره=ومعتق وعرجا والبر اللي رفعنـاه
وطلال يوم ان الجو ثـور غبـاره=قامت مضاوي طيب الخـال تنخـاه
سقنا عليهـم سوقتـن بانتصـاره=ومنا جموع القوم كثـرت رزايـاه
يومن صحايف نجد تعلـن خبـاره=وقال شليويـح العطـاوي بمعنـاه
ألـد روق اللـي تهـوش بجبـاره=تشهد لهم ضلعـان نجـد المسمـاه
ويوم غدده واللـي بجـو النمـاره=ويوم الرحا ووضاخ تشهد ركايـاه
ويشهد شدا باللي وقع في جـواره=عد اربعـه قـال المخـازن معبـاه
في ماقعـن يـم التناضـب ديـاره=من الوسيق اللي خـذوه استعدنـاه
والمجمعه وسـواج يشهـد نهـاره=والحفر والعصـلا علـى مسمعنـاه
وادن يحـد مهايفـات الصـبـاره=ورضوان واللي مايلاتن في يايـاه
وسود الجبال اللي شمالـن ستـاره=تشهد بفعلن نسمعـه مـا لحقنـاه
ويم رغبه شرقي جنوب الخضـاره=من ضرب ابن هندي زبون المخلاه
تسعيـن لحيـة خليـت فالمعـاره=يوم العويـن ادوع الـدار باسمـاه
صارت لهم روس المناعير شـاره=في نجد لين انه من القـوم صفـاه
شيخن ليا شبوا هل الحـرب نـاره=يشب نارن تحتمـي اللـي حـوالاه
وهذال اخو هملا زبـون الخسـاره=وشبيب والهيضل وناصر وشـرواه
وابا العلا خيـال شـورن صغـاره=نبت الحيا لو هو ورى القوم ترعاه
وخزام والجامـع رجـال الوقـاره=من ضربهم حـد السلايـل مـرواه
ريف الشجيع اللـي جـواده تبـارالجالهـ=م عنـد التوالـي مـنـاداه
لابـد اللـي ضاريـن بالسـبـاره=في راس مرقابـن طويلـن معـداه
وشاف الجموع ولاف كبده حـراره=ونادى لجمعن في وعـده يتحـراه
قبـل الطمايـع كبـدوه الخسـاره=برقا على كبـده يحطـون عرقـاه
وفي نجد يومن مجنتـن عصـاره=كم شيخ قومن منه بيتـه شلعنـاه
ماهيـب بالحيـلات ولا بـصـاره=وضح النقا المجرود محدن غدرناه
مسلط ليا قالوا هـل الخيـل غـاره=شيخن تعشي حايـم الطيـر يمنـاه
وزريب يوم الدار شـدد حصـاره=رد البرا واللي حمـى نجـد جـلاه
والضيط يوم الجمع جالـه كـراره=وابن محيا اللـي تـورخ سجايـاه
يكفى كلام اللي حضر فـي نهـاره=برغش بدع قافن من الشعر غنـاه
عن شبرهم تقصر طوال الشبـاره=ويفرح بهم شونن عقيـده تقفـاه
وبخيت وشليويـح نمـر النمـاره=مورخـن فعلـه قصيـده وشلافـاه
وقشعان والشغار وخـوان سـاره=فكاكـة التالـي نهـار المـثـاراه
والحفر تشهـد للزلامـي حـراره=وتشهد عليه النايفه مـن حجايـاه
خلا جمـوع القـوم تكثـر فـراره=ومن مات منهم ذيب زبنـه تعشـاه
واللـي طريحـه مايضـم الجبـاره=ابو خشيـم اللـي كبـارن وهايـاه
وليا اعتزوا والراي طـول حـواره=فاجـر فناجيـل العـدا ماتـعـداه
وشليل لين جاء اللي يبا رد ثـاره=يفرح به اللي حزة الضيـق ينخـاه
وليـا لبـس خيـال قومـن وزاره=لأبو سنون وللوبـا صيـن مـدلاه
غير الظفر للهوش فيهـم شطـاره=ونعمن ليا وصل العدد توم وحفـاه
يكفى من الفعل الكثيـر اختصـاره=واللي بقافه ذيب ابا الفوس وصـاه
واثنين فيهم مـع ظفرهـم نعـاره=ليا جاء نهارن يوصل العلم قصيـاه
ابن زيد والعصاي والعلـم اشـاره=فرّيس نمـرن ماتعـرف المجاجـاه
قلته وقـول الصـج مافيـه عـاره=والكذب عيب ومن بغا الكذب يلقـاه
والهرج يكفى عن طويلـه قصـاره=والقاف شاب وفعلهـم ماحصينـاه
ألد روق اهـل العطـف والامـاره=مافيـه نقبـل صلـح ولا مسـاواه
كم بارقـن جانـا وحصـل دمـاره=وتزهبت شهـب الحنـادي جثايـاه
وكم بارقن جانـا وحصـل دمـاره=وبرقا خذو خيلـه ساقـوا مطايـاه
وكم بارقن جانـا وحصـل دمـاره=وكم بارقن منـا عليهـم نشرنـاه
في ماقفن كن الرصـاص انفجـاره=رعـاد وسـمٍ تقافـت عشـايـاه
بالسيـف واللـي ماتغيـر عيـاره=يامـا قتـل منـا ويمـا قتلـنـاه
يما شربنـا فيـه حلـو ومـراره=خضنا المعارك فيه ليـن امتلاكنـاه
ربعن على الطاله تسوق البشـاره=حنا عتيبه نوصـل العلـم منهـاه
في سلمنا ما يلحـق الجـار بـاره=يدلـه بجانبنـا وينسـى دنـايـاه
ماقـط باتـوا ماتعشـوا صغـاره=ولا قط جاله لازمـن مـا قضينـاه
ما يشتكي ورعـه خطانـا وعـاره=وخطاه لـو انـه ثقيـل احتملنـاه
يبقى رفيع الراس في ضف جـاره=وليا رحل ممـا نحوشـه عطينـاه
ولدخيلنـا فـي سلمنـا واعتبـاره=عامٍ وشهريـن عليهـم فرضنـاه
ايضـا وقابـل للزيـاده قــراره=وما تسامح طالـب الديـن زدنـاه
لو حاولـوا ديانتـه فـي حصـاره=لا لجـا بوجيهنـا ماحـدن جــاه
وليا حمسنـا البـن زدنـا بهـاره=مع مرحبا للضيـف لـو معرفنـاه
نعطيه ماجـوب الكـرم والزيـاره=ونجعله الحايل من البل ثمـن شـاه
ما ناخذ السلم الشريـف استعـاره=سلمـن لهلنـا الاوليـن ورثـنـاه
ولا ننظر العالـم بعيـن احتقـاره=وليـا بلينـا رب موسـى طلبنـاه
وليـا نوتنـا غزوتـن بانكسـاره=كم غزو قومن فالملاقـى كسرنـاه
البني من ساسـه عـزازة جـداره=برقا وروق وكـل ماقـف ذكرنـاه
ياما رمـوا لمجوعـات الجحـاره=من راس شيخن تورد السيف يمناه
ليا دق حـراب المعـادي انطـاره=تصبـح قلايعهـم مهـارن مغـذاه
غير السطل والحوش فيهم مهـاره=روقي وبرقاوي بني عـم وعّـزاه
اللـي يواعدنـا نـزوره بــداره=يصبح عليه الجمع تـردم سرايـاه
جمعن على فـك التوالـي شعـاره=حنا عتيبه وأزيـن الـدار اخذنـاه
فيهـا نزلنـا وانتشرنـا انتشـاره=والعد لو ان جوه مخيفـن وردنـاه
علـى مواردهـا مسكنـا خفـاره=جمعن يصبحنـا وجمعـن هجدنـاه
ملحق قبايـل نجـد فيهـا عيـاره=لكن اعـد الموقـف اللـي وقفنـاه
اعلونا بالحجـز واقصـى حـراره=وشرقينا العارض بغربـي قرايـاه
مثناة نجد اللـي تصاهـل مهـاره=زحنا قبايـل نجـد عنـه ونزلنـاه
ما ملكنا بلهـا سلـف واستعـاره=بالسيف اخذناهـا وشلفـن محنـاه
مضرابهـا زرنـح مــع ازراره=منها طويل الامـن تدنـي منايـاه
عنهـا نفـد القـوم فـد النمـاره=لين اصبحت مثل الجزور المجـزاه
وكلن بقسمـه قـام يبـدع بيـاره=والحكم غيم وما دخل فيـه غطـاه
ضفى عليـه الصيرمـي الستـاره=عبدالعزيز اللي عسى الخلد مـاواه
وفيه حكم بالشرع واصـدر قـراره=وغيم الجهل نور الشريعـه تجـلاه