ملزوم اودع شتات الوقت والمه=اجاوب الحال لا تنشد عن الماضي
صحيح ما اجامل الا من ورى الذمه=لاصرت مجبور وش له يحكم القاضي
شرحي مواقيف والهمه هي الهمه=لو يحرق الضيم صدري كنه اللاظي
اشرب بهـالوقت من مره ومن سمه=بالصبر عايش واعايش كامل اعراضي
اما على الزين ولا جايب مطمه=قناعة النفس ترضى يوم انا راضي
اظلَم ولا اظلم وغيري همه وغمه=وشلون لاصرت متواضع ومتقاضي
وشيً طبيعي اطاول عالي القمه=لكن مدري طموحي ليش ماعاضي
فكري واساليب فكري عندي مهمه=ماهمني لو بقى فالناس متغاظي
بكتب بيمناي وآرد قاعة الجمه =واشًيم الحرف فاول واخر الفاضي
انسى قصيدي وألآحظ عالم تصمه=واقول مايحفظ الا واحداً فاضي