لغز من الوزن الثقيل
 

بسم الله الرحمن الرحيم
متلع بن عبدالهادي بن مشعان الرويل العضياني الروقي العتيبي
شاعر له باع طويل في كتابة الشعر باغراضه وله اسهامات عديدة
في هذا المجال متميزا بأسلوبه الفذ في تركيب واحكام ابيات القصيدة
في النقض والفتل والبدع .
شاءة اراده الله ان يتفجر بركانه الشعري بهذه المجاراة
للشيخ محمد بن راشد ال مكتوم في صنع الالغاز
بهذا اللغز الذي اسماه (معطى ومحروم)
ويقول شاعرنا هذه الابيات:
شدتني الالغاز في كل ما جاب=محمد بن راشد ال مكتوم
شيخ يقول الشعر في فن واعجاب=ومن فكر راسه يفتل اللغز مبهوم
وجاريت فكر الشيخ واللغز لي طاب=واخترت مغزى اللغز معطى ومحروم
رجل ظهر وابدايته في شهر أب=ونهايته صارت بعد عمر في يوم
مخلوق لكن ما هو من طين وتراب=على الوجود وخالقه مات مرحوم
ميت ولا جته المنا والاسباب=عايش ولابه نبض والروح معدوم
إن قلت شايب شاب راسي ولا شاب=عمره طويل وبالصبا عايش دوم
لا هوب لا اجرد ولايلبس اثياب=وعند العرب معروف والفرس والروم
ولا هوب لا يشرب ولا ياكل بناب=وفيه الاكل والشرب موجود ويصوم
به عين ما تدمع ولا حولها أهداب=وفم بدون أسنان ولسان مبلوم
وله صدر لكن مابعد ضم الاحباب=وعن ضمته للصدر ماهوب معصوم
والبطن فيه السم والسام والداب=ولو هي ببطن ابن البشر مات مسموم
وحيد ماله لا قريب ولا انساب=ومن نفس جنسهعند الاغراب له قوم
كامل ولا ينسب الى اصحاب الألباب=ابكم واصم ويزود الناس بعلوم
صادق وفيه أوصاف فاجر وكذاب=صاحب وفيه الغدر والحقد واللوم
وفيه الكرم موجود والبخل ما غاب=وحتى التواضع فيه والكبر والزوم
ماله لقب ويشيل من كل الألقاب=وفالأصل له اسمين واسماه بالكوم
مذكور اسمه داخل الجوف في باب=وعلى الظهر مكتوب اسمه ومرسوم
الشاعر/ متلع بن عبدالهادي العضياني

وين اهل الالغاز نبي حله

ترقبو ا الحل
بعد الخميس القادم

توقعي حله (السيف)