يامل قلب(ن) من هوى زيد مطروق = طرق الحديد مليّنـ(ن) بالضويّا
إمسيت قلبي فِي وأصبحت مسروق = وثوّرت في قلبي عميلـ(ن) تعيّا
يفدى عشيري كل برقا على روق = واللي بعيد إديار واللي هنيّا
ويفداه من هو يركب الخيل بعروق = مع خيل ابن هندي وخيل المحيّا
ويفداه من يمشي على الارض من فوق = واللي يشوفون القمر والثريّا
ويفداه حضر(ن) حولوا عصر بالسوق = وابن رشيد اللي عن الحكم عيّا

المشاركة الأصلية كتبت بواسطة طراد العصيمي (المشاركة 1301683) ويفداه حضر(ن) حولـوا عصـر بالسـوق وابـــن رشـيــد الــلــي عــــن الـحـكــم عــيّــا الطريف فالقصيدة انه غزى ابن رشيد على عتيبه فاخذهم ابن رشيد وكسر عتيبه كعادة القبائل واكوانها قديما يوم لك ويوم عليك فمرت الشاعره قمرا الدعجانية على ركبي لها لم يوخذ مع ذودها الي وخذ فقال احد شمر بحر يابن رشيد للمره هذي تراها المرهوصية الي تفديك بخلها قال ابن رشيد جيبوها وذهبوا لها وقالوا ابن رشيد يبيك يالمرهوصيه فجاءت لبن رشيد وقالت وش تبا يابن رشيد قال انتي الدعجانية الي تفديني بخلك ياقمرا قالت احمد ربك يابن رشيد انا فديتك برجال وشليويح العطاوي فداك بمره وكانت تقصد بيت شليويح يوم يقول يفدى عشيري من عظامه تشله من البدو واللي يلبسون الحداري وابن رشيد الشمري فدوةٍ له مودع فراقين البدايد وقاري واليوم تركت الرجال ونصيتني وانا مره فضحك ابن رشيد وكعادة الشيوخ وعيال الحمايل قال ابن رشيد لشمر ردوا ابل الدعجانيه عليها فقالت يابن رشيد أنا مالي ابل وعتيبه لها ابل الحالها ياترد ابل عتيبه كلها ياتاخذ ابلي معها فرد ابن رشيد الشمري ابل عتيبه كلها رغم زعل كثير من فرسان شمر لانهم ماخذوها بسهوله اخذوها بعد ان دفعوا مهرها من دمائهم وخيلهم وهذا من جميل مايذكر عن ايام القبائل والاكوان مودتي