الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   الشعر الشعبي (http://www.otaibah.net/m/forumdisplay.php?f=9)
-   -   لديار من حبه بقلب ابن دربيل (http://www.otaibah.net/m/showthread.php?t=149422)

الرمح 511 02-Feb-2018 05:12 PM

لديار من حبه بقلب ابن دربيل
 
ياطير يالي ناوين قطعت الميل
وصل هذا المكتوب يم الحبايب
لديار من حبه بقلب ابن دربيل
الي مضاله سبعه اعوام غايب
نرسل ولايرسل علينا مراسيل
مدري تغلي منه ولا سبايب
ابو العيون الي اوساع الفناجيل
عني بعاده شب فيني شبايب
حتى بديت أجر زين المواويل
من حر مونس والمحاني حطايب
وقول ياربي اتعين الرياجيل
على هوا امشقرات الذوايب
بيض البنات مطيحات الحلاحيل
عقايبن مامثلها من عقايب
ياما جرالي من هواهن غرابيل
وياما جرالي من وراهن نشايب
امجربن فالجيل الاول وهالجيل
مابه سهل إلا وراه الصعايب
تجاربن تكفي عن القال والقيل
في قصتن مازوفت بالكذايب
قضيتها مابين حوال ومحيل
يومي صغير ولابعد صرت شايب
رغم الحياه الاوله تجهد الحيل
قاسيتها وانا جروحي عطايب
مع درب بدون بين نزل ورحاحيل
يتلون شولن زاهيته الجنايب
لابكر الوسمي وجاله مخاييل
جاته عطايا الله ابليا غصايب
اما على الصاقب وإلا على عصيل
وإلا على هضابن تسما الذنايب
في حكم من حكمه عدلها عن الميل
عبدالعزيز الي جدع كل خايب
بعد أنها ملت من الحط والشيل
جاها بسيفه فوق عوص النجايب
بقومن معه على النضا وسبق الخيل
لين انها طاعت وصارت رحايب

فرحان دربيل


الساعة الآن »10:04 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd