|
مجموعة قصائد وابيات مقروءة لـ - خلف بن هذال -
اهداء مني لكم يا اعضاء وزوار منتدى قبيلة عتيبة
جريت صوتي جريت صوتي تالي الليل جره والناس هجعا وأرفع الصوت بابيات ولقيت في سود الليالي مضره كم كلمة ولّت وراحت ولا جات النوم يعرض للعيون وتمره مر الكرام اللي خطاهم سريعات تلبس حرير وبنت الاحرار حره عمهوجة تغدي لها النفس توقات دنيا تزيّن للغرير وتغرّه بين الليال وبين الأيام غرات غارة زمان ويكفي الله شره أدري الهوى والنفس وابليس ما مات احذر عدوك دبه العمر مره واخذ الحذر من صاحبك عشر مرات سألت الليل سألت الليل بعد الليل ولى انا كيف اتصبر واتسلا فقلت اعطف لمن يرعاه نجومك بجاه الله عني لا تجلا تسليني وتنسيني نهاري وتتركني وجرحي مستجلا ثلاث ضلوع يشكن الهضايم على المعلوق والقلب يتدلى ولا به ليل نامت فيه عيني وانا ما اذكرلها بالذمة الا اذا نامت تصحيها حلومي واذا صحيت تفيض ثم تملا على ظبي تطاوعها الجميلة اذا صكه الهوا الغربي يتخلى من الموقع وخلا القفر خالي على دربه يتل الريم تله يقطعك ياحب يقطعك ياحب توقف على ماش ومن حب حلوين المظاهر بلاشي اللي يبيعون المحبين ببلاش حلوين الالسن والقلوب الغشاشي العرق لو قصر على المي ماعاش والشمس لو تغرب على الكون عاشي تفخر بزينك يوم تجفل وتنحاش ماتدري اني منك قانع وماشي من اول عيني ترفرف بالارماش جفن غطا والجفن الاخر فراشي مطوع لك قلب ابيض من الشاش ومستدخلك بين القلوب الهشاشي واليوم ابنقش سر حبك بمنقاش الله ولا حب سعى فيه واشي ياغدار يا غدار مالك لا نهاية ولا مبدأ غرام ابا اشكي على الله ودعي عند زمزم والحطيم عسى ان ينتصفلي منك ربي حمى بيت الحرام من الفيل واصحابهم وانا اقول يالله يا كريم انا عارف مبداك قبل النهاية يا سلام على وصف السانك لا تقرب ولا تبعد حكيم درستك براسك جاهلن ما يجيد بهل الكلام ولا يصفى العاقل وفى مهجتة دواء الغشيم فلكن تقدم حافة الاقدام وراخي هزمام قبل ما تصيبك دوات الظلم فى العظم الصميم ترا الحب يا المحبوب مادام للناس العظام وينفيك عن درب الهوى اللى يعرفة من قديم جعل السحاب جعل السحاب اللي معه برق ورعود يمطر على دار وليفي سكنها يسقي وطن منتوقة العنق ياسعود مالي وطن بالعارض الا وطنها قلبي غدا واستيسره لين العود محد يفك القلب ياسعود منها ساطي وفي كفه جديحه وبارود وادخل يده بين الضلوع ودفنها بيني وبينه وصل واسرار وعهود مصيونة ماتدري الناس عنها في كل عام يزود حبه بعد زود اقفى بروحي والتوى في رسنها اموت بين الخد وعيونه السود وحواجب ربي بملحه قرنها وشعر بدهن الورد والمسك مكدود جديلة تضمني واحتضنها ليل جمعني به عسى ليت ويعود يبعد عن النفس الحزينة حزنها سوق المنامة تجر بشتك وسط لندن وانا اشوف كنك تمشى وسط سوق المنامة ماتدري ان الدم واضح ومعروف عليك من دم الخليج العلامة من الحيا تلبس عباية ونفنوف لكن ماكملتها باللثامة الذود ياهذال هذال يرعى بالإبل يا ضنينه يرجى وصاتك يا وفى المقاله الذود ياهذال يصخم حنينه ما بين شبك وبين قصر وجماله الفاطر العوجا عليها غبينه ان رجعن للحوش جبن ونذاله وأم الحوير عندي اليوم شينه رد الحوار وفك عنها الشماله ابلك يابوهذال زايد حنينه ويابس الصحرا أبد ماحلاله ان عاش راسي يالحيا تاصلينه وتبد لين السر قفر بداله يازين شوف العشب الاخضر يازينه قبل شهر شعبان ينقز هلاله *** أبي أربي ابل والحل برحال علم صغير جاهل بالبراري اجمع من البل عشر تصير وبال واخبر فحلها مع جنبها يباري البل لها في مهجة القلب منزال منايح القصار سفن الصحاري *** بشتري ناقتك مير نزلها المزاد ان تبي فيا ذهب وفلوس خذ مردوفها ناقتي ما تدخل السوق لو زاد المزاد لو هل الربطات جتني تشيل ألوفها لو يصبون الذهب صب وامهار تقاد ما ارخص البل واختيار النفوس اشفوفها انا والليل انا والليل خلان ورفاقة اخذته عشق واخذني عشاقه اوضح له ضناي مابروحي ويفتحلي على الغياض طاقة الا ياليل وش عندك وعندي يقول من تكدرله مذاقه عيونه من غرام الشوق تهمل عبايرها على ذيك الدقاقة وانا بنهاية التسعين هجري إلي خل عجزت اقوى فراقه مضى عام وثمان سنين كني كسير عيب الجبار ساقه يفزع بصياحه هجوع ناس لهم بالنوم والراحة علاقة الا ياليل يعرضك وطولك انا وياك لا عاد الصداقة قالوا توادع قالوا توادع قلت ياصعب الوداع وشلون اوداع من معه قلبي وديع قلبي معه والسر من فرقاه ضاع صحيح من يفقد زمام امره يضيع اليا ذكرت الخد والسود الوساع تسابقت غارات عبارتي جميع اصبر على الهجران قدر المستطاع احمل همومي للخلا واشري وابيع ابيع شي بالجواهر مايباع بعته رخيص وضاق امامي كل ذيع بين الرجا والياس يشتد النزاع بعده دهر ومشاهده عندي ربيع تستدرج الايام مفتول الذراع من حيث لا يعلم وترميه بالسريع |
الى ابن العم ............ المقاطي
سلمت ولا هنت على هالقصايد الرائعه للشاعر المعروف ابو هذال
وهذه ايضا قصيده له .................... يا ماحلا المسرى بعيدن عن الانذال @@@ في ليلة يطربلها كل ساري مسرى مع فج الخلا عز وجلال @@@ متشطرن ما خضت في عرض غياري على خطاه مشومرن يقطع اللال @@@ تدفن مداهيله هبوب الذواري اجمع من البل عشر وتصير وبال @@@ واختر فحلها مع جنبها يباري البل لها في مهجت القلب منزال @@@ منابع القصار سفن الصحاري يكفيك ابن هندي ومسلط وهذال @@@ ومن شمر العاصي وبرغش وضاري وهي لها تكمله ولا كن اعذروني انا لم احفظها كامله وارجوا من يعرف التكمله فاليفعل وشكراا مع تحيات :- مطلق الشيباني |
الله يسلمك
يكفيك ابن هندي ومسلط وهذال
ومن شمر العاصي وبرغش وضاري لقيت في الوحدة سكون وسعة بال بعيد من عندي من الهم طاري ارجع الذكرى على روس الاجلال وامرح خلا بين الحجل والقماري ماهمني جمع المرابي للاموال عزيز لو امسيت جيعان عاري |
سلمتو يامطلق ويالمقاطي .. وهذا شاعرنا خلف مايحتاج مدح مني ..فهو شاعر الخليج وشاعر الوطن .
وهذا ايضاً ابيات : ابو الجميع على الله كل شي وكل حي تقسم ارزاقه ^^ على ماقدره كل يسير ويأخذ اللي له قنعت ويقنع المخلوق في تقسيم اخلاقه ^^يجي يمشي لنا والا نجي بالرجل نمشي له عسانا من ضيوفه ساعه المحشر وعتاقه^^على حوض النبي نارد ونتهل من مناهيله يقوله من عسف صعب البيوت وجات منساقه^^تدافع بالقوافي مابها هسه ولاميله تحياتي ابو وعيل الرويس |
الله يسلمك.. وراح يكون هناك موضوع عن خلف لقصائده الوطنية المرة المقبلة
وشكرا |
مشكووووووووووووور ولاهنت وتقبل مرورك
1 1 1 1 1 1 اخوكم : سعود بن سالم الدغيلبي |
| الساعة الآن »01:17 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd