عندي الليه رساله حد سيف وحد خوصــه=واضحه من شاعر ٍ مهوب ياكل المندوســه
شاعر الجيلين شاعر مار قالوا فيه حوصه=مثل بعض عتيبه الشعار فيها من حسوّسه

المشاركة الأصلية كتبت بواسطة ربيع الرشيدي (المشاركة 1266646) مساكم الله بالخير وصح لسانك يالعصيمي مشعل وننتظر شاعر الجيلين

العصيمي له نوايا نيته ماهي مرخوصه=لو يحوص و لو ييهوش اليوم ما بين ضروسه
جرتك في الدرب يوم الدرب جرات(ن) مرعوصه=والزمن خرب على راعي السهم معطوب قوسه

انت شاعر مار شعرك ماتبين في نصوصــه=الهدف واللي تنوسه منت بحوله لو تنوســه
يا عميل ٍ ما يحب اللي دعاويهم مخبوصــــه=بين ذي وبين ذيك يحاولون اللي منحوســـه

الحقايق ما تفرق بين ديك وبيض ووصوصه=والصقر ما حام لكن نيته فيك امعكوسه
الجبل لا ما تهايل دونه احيود(ن) مرصوصه=يوم طاحت تحسبنه هال ما طاحت رؤوسه

ما علي من الرخوم اللي لها روس ٍ مقصوصــه=قصة ٍ تبدي عليها والقدم فيها ندوســــه
يا عزيز الجد عندي مدتك ماهي منقوصــــــــــه=وافيه وانته وفي واللبس تكفينا لبوسه

لو حسبنا ما قنعتو كل يوم(ن) به أقصوصه=والمغيرق شيخ والا يحسبونه تالِ اعسوسه
ما علينا ولا عليكم والذهب معروف افصوصه=لمعته في معدنه والحظ ساواه ابفلوسه