حضور مفاجيء ومغادره مفاجئه
 

حضرت البارحه حفل زواج الشاب /بندر بن نايض العازمي بهجرة ظلم
وكان حفلا مشرفا تنظيما واخراجا وحضره عدد من المشايخ والاعيان وجمع كبير
وابتدئ الحفل بقصائد منبريه رائعه للشاعر /حميد العازمي بشيلات جميله والشاعر عبدالله المويهي والشاعر مرزوق السلمي بعد تلاوة القران الكريم وكلمة راع الحفل والد العريس

وحضر من شعراء الرد حبيب العازمي /وزيد بن سلمي وصقر سليم وعبدالله غازي سوار الذهب وعبدالعزيز العازمي وسلطان الجلاوي
الحفل من اجمل ماشاهدت من حيث قوة الطواريق وتفاعل الشعراء

الملفت للانتباه هو وصول الشاعر سوار الذهب الذي حضر بعد بدء المحاوره بلحظات ثم طلب الشاعر حبيب العازمي وقدموا طاروق ناري بكل معنى الكلمه اتسم بالتنافس وسرعة الرد وقوة تركيب الابيات
وأثناء المحاوره وخلال رد حبيب على بيت قوي جدا من عبدالله وقيام الشاعر زيد لكسر الطاروق سارع سوار الذهب الى المكرفون وظاهر عليه تأثر كبير البعض ارجع ذلك من رد حبيب القوي والبعض قال من قيام زيد للتغيير وفي هذه الاثناء غادر عبدالله الى خارج القصر وحاولوا اقناعه ولكنه لم يعد للحفل

ياليت من يحصل على تسجيل الحفل يوافينا بالمحاوره القويه بين الشاعر الكبير حبيب العازمي والشاعر المثير سوار الذهب وللحق فقد كان سوار ذو تركيز عالي جدا ولكنه اصطدم بقوة ملك المحاوره حبيب العازمي

ولاننسى ألف مبروووووك للعريس

جزيت خيرا على هذا التقرير الرائع جدا

اسوار ينصدم الله يهداك يابن خيشوم حبيب واسوار ذيابه شعر يغرفون من بحر

وأياك يالجوارسي والروعه من مرورك لاهنت

:)علومك ياطيبة ياحمود دايم ......

ليش دايم المشاكل بالمحاورات تجي مع عبدالله الميزاني ..!؟

اول كنت اتوقع انها تهاويل من بعض الجماهير ..!!

بس بديت اصدق انه هو سبب المشاكل ..!!


بعدين حبيب :
يجيب بيت قوي .. اذا كان رد اللي قدامه قوي .. قلبها فكاهيه ..!!
واذا كان لا .. كمل عليه ..!!


وعبدالله الميزاني :
يبي يلعب على مزاجه .. ويكسر القيفان متى ما يبي .. ويزعل اذا احد كسر قافه ..!!


ساحة المحاوره :
ما عاد تبشر بالخير .. نشوف اشياء تسد النفس ..!!

علينا هالسوالف هههههههههه

بس عبدالله مايغمز بعينه للصف

نعم طاح له بليل مافيه مسرى سوار الذهب

الشعراء الحضور والجماهير تابعوا باهتمام كبير هذا الطاروق ولقاء الشاعرين الفريد من نوعه
وظهر حبيب العازمي في اجمل حالاته وفعلا كان تحرك حبيب أثناء هذا الحفل كحركة الذئب ماشاء الله عليه
وما نبخس لسوار الذهب حق شاعر كبير ويكفيه ان حبيب كان معه في أعلا درجة الركيز والاهتمام يختلف عن أي شاعر آخر أثناء الحفل

ياليت يافهيد محاوره تستحق المتابعه والحفل سجلته قناة المرقاب