تضحك لي الدنيا وأنا فيها جهول = واللي بخصها يعترف لك بالجهل
أكبر واحسب العمر لو زاد بيطول = لكن رحاها تطحـن العمـر بعـجل
من هو نزل فيها ولو طال النزول = لابـد مـن يـومٍ يـقـال انـه رحـل
أقفت واتابعها وانا كلي فضـول = واللي تبعها ما لقى فيها فـضـل
إن أقبلت تقبل كما حصانٍ عجول = وإن أدبرت تدبر مثل ظبيٍ جفل
تعطيك من حلياه إلى حد الثمول = وإن جرعتك المر، نسّتك العسل
إن طاعتك، شالت لك حمول الذلول = وإن طعتها، تب ترتكي لك بالحمل
نوبٍ على الصعبة توردك الحلول = ونوبٍ وهي سهلات والله ما تحل
يا بـاني الدنيا ترى الدنيا تـزول = واللي بيبقى عقبها طيب العمل
واللي بعث للناس بمحمد رسول = لو هي تدوم إن كان دامت للرسل
فاغنم سنينك واسأل الله القبول = ما تنفع التوبـة اذا حـان الأجـل

يــــــا بـــانـــي الــدنــيـــا تـــــــرى الــدنــيـــا تـــــــزول=والـــلـــي بـيـبــقــى عـقــبــهــا طـــيــــب الــعــمـــل
والــلـــي بــعـــث لـلــنــاس بـمـحــمــد رســــــول=لــو هــي تــدوم إن كــان دامـــت لـلـرسـل
فــاغـــنـــم ســنــيــنـــك واســـــــــأل الله الـــقـــبـــول=ـــــــا تــنــفـــع الــتـــوبـــة اذا حــــــــان الأجــــــــل