السنتوب والدبدوب حبيب والقارحي
حامد القارحي
نبا نبداء بقاف بدون سلبيه وفيه اسلوب + وله واحد من العشره وتسعه مايعرفونه حبيب مانشوفه غير في قوقل وفاليوتيوب + يعاين في مواعين العرب ويكب ماعونه حبيب العازمي ليا منك بديت بقاف لا هجيني ولا مسحوب + تغنيه الصفوف وبكره الحاره يغنونه حبيب كان علمك جد ماتلقى عليه دروب + ولكنك تقول اللي على سمعك يقولونه حامد القارحي ياصبر ايوب هذا ضيف للحله ياصبر ايوب + ولكن الحقيقه نزغة الشيطان ملعونه ثلاث سنين عدت وانت لا راضي ولا مغصوب + وذالحينه تقول السالفه عندي ومضمونه حبيب العازمي ترانا في سعه والخير خير الله وش المطلوب + عسا رميك على راس الجبل والا قصر دونه مواعيدك عساها ماتقيد عند ابوعرقوب + ثلاث سنين وانته مشغل ن رقمك تليفونه حامد القارحي تبا المطلوب ياحبيب تشيل دعاية السنتوب + كثير الناس مايبغون لا شكله ولا لونه ليا مني لبست الثوب الابيض ماقلبت الثوب + ولامني عطيت العهد والميثاق ما اخونه حبيب العازمي اشيل دعاية السنتوب وانت دعاية الدبدوب + ترى الدبدوب له ناسن مثل حبك يحبونه بنينا الجدر قدامك وزدنا البني طوب ن طوب + وهالحينه نصيب الجن يبنونه يهدونه حامد القارحي تبا تلعب علانا مار نعرف لعبك الملعوب + واخذها بالصراحه غاسل ن كفك بصابونه هنا بالصوت والصوره http://www.youtube.com/watch?v=6sULq7UFbQg |
مشكور على النقل الرائع,,,
|
مشكور على هذه المحاورة الابداعية
|
حبيب ما يحتاج مدح
اما القارحي فارض نفسه وبقوة واتوقع حبيب يرفض مقابلة القارحي مره اخرى |
اقتباس:
انت ياخوي ليه ويش عند القارحي عشان حبييب مايقابله مره اخرى الزبدة ان فيروس المعطاني انتقل الى عامة هذيل الشكوى لله |
الله يلعن الشعر اللي يعرفه القارحي
والله حرام يطلق على حامد القارحي شاعر صراحة طاروق من طرف واحد وكفو يابو فيصل وحرام والله شاعر علم مثلك يلعب مع شاعر تحت الصفر مثل القارحي والقارحي شكله يتسمع في ,,,,, هذيل ( المعطاني ) |
الله الله الله طاروق رائع وابدع الشاعرين صحت السنتهم وبيض الله وجهك يا محمد |
اقتباس:
محاوره راائعه من الطرفين من انت عشان تحكم على شاعرية حامد !!!! ............................ |
اقتباس:
حبيب شاعر كبير وحامد شاعر قادم بقوه للساحه لكن توقعك هذا لا يدخل العقل وكله كلام فااضي لايودي ولايجيب . |
الحقيقة الموضوع طيب والمحاورة طيبه .. ولكن التعليقات شرسه بعض الشيء
محمد دمت بخير:) |
الساعة الآن »12:04 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd