وقّف وناظر فيّ بعيونك السود =غير النظر بالعين ماريد حاجه
تكفيني النظره ليا صرت محدود=افرحبها فرح المريض بعلاجه
الفكر شارد معك والقلب مفقود =قطّع معاليقه وكسّر سياجه
يتبع هوى طيفك ليا هبت النود =وافق مزاجك ياحبيبي مزاجه
ريم الفلا كل الحلا باشة الخود =من ياقف بجنبه يزيد انحراجه
مع وسع عينه فيه ميزه ونمرود=محني مثل قوس الربابه حجاجه
يازين كل الزين بيداك موجود =والزين مع غيرك يعود سماجه
لامر طيفك للسما قادني قود =واشعل قناديله وولع سراجه
اغيب بفكاري عن الناس واعود=واذكر وش اللي صار يوم المواجه
صارت حياتي بين شعله وبارود =وآخر مراحلها بعنق الزجاجه
اما زرعنا الدرب ريحان وورود =ولا على الله همنا وانفراجه

المشاركة الأصلية كتبت بواسطة أبو فيصل الدلبحي (المشاركة 874736) اغيب بفكاري عن الناس واعـود واذكر وش اللي صار يوم المواجه الله الله الله ياحاكم حكمت القصيده واوفيتها جزاله صح لسانك مدد بلا عدد تقبل مروري

المشاركة الأصلية كتبت بواسطة أبو مصلح 511 (المشاركة 874738) الله الله صح لسان شاعرها ولا هنت يا ذيب تحياااااااااتي

صح لسانك ويعطيك العافية.