علي العضياني=

من اعماق الهجوس اللي كما اعماق البحور الهوج=يحصـل مـن سبـح غباتهـا لولـو ومرجانـي
سلام الله برديه مـن العضيـان اهـل عمهـوج=نيابـه عنهـم يقولـه لكـم علـي العضيـانـي

حاكم الغنامي=

من آفاق الهجوس اللي لها فوق السحاب بروج=كما برج الجدي مايجهلـه مسلـم و نصرانـي
هلا يامرحبا ووسومكم فـوق الرقـاب العـوج=عمود وله مثل باق الوسـوم الطيبـه شانـي

علي العضياني=

سفينة نوح راكب فوقها من كل حيٍ زوج=ومابين السما والارض تسبح فوق طوفاني
ولكن السفينه كيف عن درب النجاه تموج؟=تقول ان السفينه سايره من دون ربانـي!

حاكم الغنامي=

سفينه نوح باسم الله مجراها بوسط الموج=تسيرها عصا موسى قبل خاتم سليمانـي
انا وش حيلتي قدام قوم الجوج والماجوج=مثل من يرفع البيت المروبع دون عمداني

علي العضياني=

ترى اللي يزرع الحنضل ولايدري عن المنتوج=مايجني من ثمرها لاثمرت مشمـش ورمانـي
ليا كثرت هروج الناس مانرضا علاك هـروج=لكنك عالج الموظـوع هـذا قـدر الامكانـي

حاكم الغنامي=

يبا يظهر لك المنتوج يشعل في الظلام سروج=يسد بمنتجاته جوع اهـل جـده وعسفانـي
الا ياخوف قلبي ياعلي تلحق باميـر الفـوج=وتصبح سالفه عنـد المريكـي والبريطانـي

علي العضياني=

كراديس الرمك وشلون تركبها بدون سروج=ترى منته بفارس لو ربعك قـوم فرسانـي
تهدون الصواريم الجوارح والحمام يـروج=دخلتو بعدها من عالم ....في عالـم ثانـي

حاكم الغنامي=

ترى المقصود من هذي خياطة بطنك المبعوج=نعالج علتك وتعـود عقـب ايـام مرضانـي
ابا اجيب الحجج حتى يعود خصمنـا مفلـوج=لوني غاسلٍ يمنـاي مـن مـخ العريبانـي

علي العضياني=

ابن وبصان رشحناه بالتصويت ريس فوج=الا ياليتنا ماكان رشحنـا ابـن وبصانـي
ليا خاويتلك في طرقتك ناس همج ولحوج=لونك من عتيبه في نهار تصير جيزانـي

حاكم الغنامي=

يغيب الضيط لكن ريحة السيف المهيب تفوج=ويحضر صاحبي ويشيل حمله فوق الامتاني
تحرّص ياعلي للروح مابعد الدخول خـروج=على قول المثل مافيه نـار بـدون دخانـي