الهيـــــــــــــلا *** منتدى قبيلة عتيبة - ( ياعشّاق المعنى ياجمهوره ) تراكم معزومين

في هذه المحاوره لا أستطيع أن أجد مقدمة تليق بهذين الشاعرين

محمد بن شريّف الجبرتي السلمي

و صياف بن عوّاد السحيمي الحربي

الجبرتي :

سلام الله سلامٍ ذا السنه ماهو سلام العـام
سلام العام راح العام بيـن هنـاك وهنيّـه

أنا اشوف المعارض واقفه والزين ماينسام
سمعة أهل المعارض يشتكون من الشريطيّه

السحيمي :

هلا يامرحبـا ترحيبـةٍ ترحيبهـا قـدام
لو ان قلوبكم ماتت عصر وعيونكم حيّه

كثير الناس يمشي فالطريق وحفرته قدام
ولايدري عن الحسنة ولايدري عن السيّه

الجبرتي :

أنا باغيك ياصياف لـو انـك بغيـر خطـام
لكن ازحـف وراك ولاتمـشّ يديـك بيديّـه

أعرف الحبحب الفاوي واعرف الخربز الشمّام
وابو خداش مشتالك معـه دفعـات روسيّـه

السحيمي :

تبا المطلاع راس الريع ليت الله عطاك عظام
نشيلك فوق راس الضلع بين الشمس والفيّه

اشوف الناس تعطيك العمامه وانت ابو عرّام
وأبو عـرام مايرتـاح ليـن يحـط طاقيّـه

الجبرتي :

دخيلك لاتخرب في بلدنـا يافهـد بـلاّم
تخرب فالبلد وانته عليك صكوك شرعيّه

يقولون العرب ماتلبس الا وارد البسّـام
تبيع وتشتري فالسوق هنديّه ومصريّه

وشكراااااااااااا