مثل الاصايل والكديش!!!!
 

السلام عليكم ورحمة الله وبركاته
هذه قصه قديمه أمل ان تنال إعجابكم !!!!!
هذه القصه حصلت على واحد من الروقه وهو محمد بن فهيدعندما كان متوجها" إلى قرية (قصيبه) ليحضر بعض النخيل لمزرعته, وفي الطريق جلس هو وأخوياه لتناول الغداء وكان غداهم عباره عن قرص مدهون بالسمن وكان بقربهم إمرأه ترعى بغنمها لايعرفونها ونظرا" لحرارة الشمس وقلة المؤنه في ذلك الوقت,قدمو لهذه المرأه قطعه من القرص ولكنها رفضتها,فقالو أكيد من الحياء رفضت أخذ الخبز فوضعوها على شجره قريبه منها وذهبو, وبعد شهررجعو من نفس الطريق ووجدو قطعة الخبزه في مكانها لم تلمسها, فتعجب بن فهيد من أمرها ومن عزة نفسها مما يدل على أنها من بيت رفيع, فسأل عنها فأخبروه انها من قبيلة شمر, فخطبها وتزوجها وبعد الزواج ولاها على أمور البيت,وفي أحد الايام لفى عليه بن سليم من عنزه ومعه مجموعه من الرجال فجلس معهم بن فهيد طيلة الوقت ولم يتحرك من مكانه حتى قلط الغداء,, وبعد عامين مر بن سليم ومعه قله من الرجال على بن فهيد فرحب فيهم ولكنه بن فهيد كثير مايدخل داخل البيت فلاحظ ذلك بن سليم وبعد ماقام بواجبهم بن فهيد سأله بن سليم قال يابن فهيد عسى ماباس أشوفك مختلف منول تجلس كل الوقت معنا وهالمره قليله جلستك سلامات.قال بن فهيد يابن سليم الحريم مثل مرابط الخيل فيهن الاصيل وفيهن الكديش, وأنا زوجتي الاوله رحمها الله كانت مكفيتني كل شي , والا الثانيه مثل الكديش فالخيل غربلتني, وأنشد هذه القصيده :

***** أطلب عسى الجنه منازل مطيره حيث(ن) بها طبع(ن)على البيض ماصار****
*****مامعجب بزينها ولوهي نظيره قصــــدي تنومسنـــي إلياجو خطــــــار*****
***** مع زينها الوافي بها زودسيره دبره وعـــرف وكل شــــي بمقــــدار*****
*****لاجو على هجن من ارض الجزيره وتعومســو عنهــم ردييــن الاشــوار*****
*****إن جيت للمطبخ ليا فيه نيره تلقى الحـطب عنـدها تقل شغـل نجـار*****
***** ماهيب مثل هالدعله المستديره يجــي العتيــم وطــاهي القــدر مافار*****
***** ياعنك ماسمع نباها قصيره ولا قط شفت الغيض منهــا والاكــدار*****
***** إلا ومع قصر خطاها ستيره جتنا وراحت ماسمـع صوتها الجــار*****

وسلامتكم!!!!

الا خعقاب الحويماني
مشكور على هالقصه الجميله المليئه بالحكمه والقصيده الجزله .....
تحياتي
راع العرف

مشكور اخوي على هذه القصه الجميله

وما اكثر النساء الذين مالو من رعايه زوجها وبيتها الى الموضه

أخوي/راع العرف

مشكور على المرور ولاهنت يالغالي جعل عمرك طويل.

ــــــــــــــــــــــــــــــــــــــــــــــــــ ـــــــــــــــــــــــــــــ اخوي / المهاجر ــــــــــــــــــــــــــــــــــــــــــــــــــ ـــــــــــــــ

لك الشكر والتقدير على المرور تحياتي.

ــــــــــــــــــــــــــــــــــــــــــــــــــ ــــــــــــــــــــــــــــ اخوي /ابو فهد ــــــــــــــــــــــــــــــــــــــــــــــــــ ـــــــــــــــــــــ

حياك الله وشرف لي مرورك.


تحياتي/
أخــــــــــــــــــــــــوكم/ عقاب الحويماني

شكرا" أخوي/ فهد العتيبي

شهاده وسام أعتز فيه واشكرك على المدحه الجزله ومن جزل وهذا والله الي نطمع فيه في سائر أمورنا والله يوفقنا وياك للعلم الطيب والله يسترنا ويجملنا معك ومع الاخوان.

ولاعليك زود أنت ومن في المنتدى الكريم


تحياتي
اخــــــــــــــــــــــــوك/ عقاب الحويماني