محاورة بين ابن جدعان والهاجس
ابن جدعان:
يالهاجس الليله يا كثر المشاريع=حتى المعاني تا تعود طماعه واليا التفتنا فالقداء والتسانيع=كل[ن] يقوم ونجدته من ذراعه الهاجس: منصور بن جدعان لا يقعد ايذيع=العلم وصله كان يبغى سماعه اليا بغينا الشعر جتنا مطاويع=كل الهجوس اتقول سمع[ن] وطاعه ابن جدعان: الله يعين ابخير يا خاتل الريع=منته لحالك فالوفاء والشجاعه ضرب العصا ما هوب مثل القواطيع=لو للعصا فالناس سمعه وراعه الهاجس: بصبر على الي صار لو فيه تلويع=وغيري كثير الوقت بالفعل لاعه قلنا ندافعه مع الربع تدفيع=وانتك تعلمت الهجوم ابدفاعه ابن جدعان: الله يعينك يالجباه المصاليع=جاك الخبر والنور بين شعاعه يا مكثرين من اليثب فالمقاميع=بعض الحروب اهي السبب فالمجاعه الهاجس: يقوله الي حاصل[ن] له زعازيع=تال الزمن طاو[ن] لحاله شراعه ياماقلوب[ن] من سببنا مفاجيع=والي لحاله مكسبه للجماعه ابن جدعان: يا كبدي الي تشتكين الملاسيع=روحك عساه تشتملها الشفاعه بنات فكر الهاجس امس[ن]مفاريع=وصل الخبر للتلفزه والاذاعه |
الى ابن العم................ ابن جدعان
سلمت ولا هنت يابن العم
وصح لسانك انت و الهاجس على هالرديه الرائعه جزله من راس جزل تقبل تحيات ابن عمك :- مطلق الشيباني ............................... |
ابن جدعان
تسلم الله يعافيك انت والهاجس على الرديه الرائعه والجميله صح السانك والسن الهاجس على الكلام الجزل والمعاني الطيبه تقبل تحياتي |
الشاعر منصور بن جدعان
شهادتي فيك مجروحه .... وشاعر تجاوز مرحله الاشاده بمراحل صح لسانك .. وننتظر ونطمع في المزيد يابوفلاح |
الاخ : مطلق الشيباني
صح بدنك. واشكرك على هذا الشعور الطيب الذي يدل على طيب معدنك. |
مرحبا بك يا خوي((الدلبحي))
وصح بدنك |
اخوي نجد:
في الحقيقه انني اعجز عن شكرك. واتمنى ان اكون دايما[ن] عند حسن ضنك بي. انت ومن يهمني رايه في منتدى الجميع. |
الساعة الآن »01:02 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd