ياحروف الشعر يابيات القصيده =
حضري لي واحضري وقت اللزومي=
اقطفي جزل المعاني والمفيده =
وعن هزيل القاف والابيات شومي =
ياعظيم الشان يامحصي عبيده =
يا اله الحق يالرب الرحومي =
مرسل خير الرسل بافضل عقيدة=
مرسله بالحق للعالم عمومي =
طالبك وانته عليم اللي نريده =
تغفر لمعضد عسى قبره نعومي=
ياعساه بخير من جودك تزيده =
من وسيع الفضل ماهوب محرومي=
جعل قبره روض وحدوده مديده =
من لهيب النار نجه والسمومي =
يا عسى بالكف الا يمن شالت ايده=
يوم كل الناس فالمحشر لمومي =
الفقيده يوم اقول انه فقيده =
معضد اللي ما مشى درب الرخومي=
الوفاء والطيب ماشي في وريده =
نظرته فوق الثريا والنجـــــــــومي =
راعي الكف النـــــديه والجـــــويده=
الكريم اللي عن الهزله يشومي =
مايهمه وش بقى في داخل رصيده=
يوم بعض الناس يحسب فالرقومي =
ماتعودكفـــــــه ا لمــــــــده زهيده=
يوم اوصف بالكرم مثل الغيومي =
معضد اللي من تنصاله عضيده=
حر نسل احرار للعليا يرومــــــي=
حزة الميقاف واليال شـــــديده=
من نصاله مايعــــــود بالهمـــــومي=
ماتواني مثل ضلع النير حيـــــــده=
لا حتمى المافق على المافق عزومي=
وفي ختام الفاق وابيات القصيده=
جعل قبره روض وانعامه تدومي=